ޝައިޚް އިލްޔާސްގެ ޕާސްޕޯޓް އިމިގްރޭޝަނުން މިއަދު ހިފަހައްޓައިފިއެވެ. އިލްޔާސްގެ ޕާސްޕޯޓު ހިފަހައްޓާފައިވަނި ހިތަދޫ މެޖިސްޓްރޭޓް ކޯޓުން އިލްޔާސްގެ ޕާސްޕޯޓު ހިފެހެއޓުމަށް ނެރެފައިވާ އަމުރެއްގެ ދަށުންނެވެ. ޕާސްޕޯޓު ހިފެހެއްޓިކަން އެނގުނީ އިދިކޮޅު ކޯލިޝަނުން ހިތަދޫގައި ބޭއްވި ޖަލްސާގައި ބައިވެރިވުމަށް ފަހު މެލޭޝިއާއަށް ފުރަން ދިއުމުންނެވެ.
ގޭން އިންޓަރނޭޝަނަލް އެއަރޕޯޓުގައި ހުންނަވައި މީޑިއާއަށް ދެއްވި އިންޓަރވިއު އެއްގައި އިލްޔާސް ވިދާޅުވީ ދެއްކެވި ވާހަކަ އަކާއި ގުޅިގެން ފުލުހަށް ޙާޟިރުވާން އެންގެވިއިރު ހުންނެވީ މެލޭޝިއާގައި ކަމަށާއި 20ވަނަ ދުވަހު ރާއްޖެ ވަޑައިގެން ރާއްޖޭގައި އުޅުއްވާކަން ފުލުހަށް އެންގެވި ކަމަށެވެ. ނަމަވެސް 24 ގަޑިއިރު ވީ އިރުވެސް ޚަބަރެއް ނުވުމުން ވޯޓުލާން މެލޭޝިއާގައި ރަޖިސްޓަރީ ކޮށްފައި އޮތުމުން ފުރަން ނިންމެވީ ކަމަށެވެ.
