ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް، މިއަދު ހދ. ކުޅުދުއްފުށި އެއަރޕޯޓް ހުޅުއްވައިދެއްވައިފިއެވެ. އޭގެ އިތުރަށް އެމަނިކުފާނުވަނީ އެރަށުގައި ގާއިމްކޮށްފައިވާ ބޮޓްލިންގް ފެކްޓްރީގެ ޚިދުމަތް ވެސް ފަށްޓަވައި ދެއްވައިފިއެވެ.
ރައީސުލްޖުމްހޫރިއްޔާ ކުޅުދުއްފުށްޓަށް ކުރައްވާ މިދަތުރުފުޅު ނިންމަވާލެއްވުމަށްފަހު މިއަދު ހަވީރު މާލެ ވަޑައިގެންނެވުމަށް ވަނީ ހަމަޖެހިފައެވެ.
ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް، މިއަދު ހދ. ކުޅުދުއްފުށި އެއަރޕޯޓް ހުޅުއްވައިދެއްވައިފިއެވެ. އޭގެ އިތުރަށް އެމަނިކުފާނުވަނީ އެރަށުގައި ގާއިމްކޮށްފައިވާ ބޮޓްލިންގް ފެކްޓްރީގެ ޚިދުމަތް ވެސް ފަށްޓަވައި ދެއްވައިފިއެވެ.
ރައީސުލްޖުމްހޫރިއްޔާ ކުޅުދުއްފުށްޓަށް ކުރައްވާ މިދަތުރުފުޅު ނިންމަވާލެއްވުމަށްފަހު މިއަދު ހަވީރު މާލެ ވަޑައިގެންފައެވެ.
ވެހެންމުންދިޔަ ވާރޭތެރޭގައި ހުންނަވައިގެން ރައީސް ވިދާޅުވީ ކުޅުދުއްފުށީގެ އެއާޕޯޓް ޓާމިނަލްގެ މަސައްކަތް މިއަހަރު ނިމުމުގެ ކުރިން ނިންމާލެވޭނެ ކަމަށެވެ. މިވަގުތު އެތާގައި އެއްވެސް އިމާރާތެއް ކުރެވިފައެއް ނުވެއެވެ.
އެ އެއާޕޯޓްގައި ހަދާ ޓާމިނަލަކީ ރާވާލާ އިމާރާތެއް ކަމަށްވާތީ މަސައްކަތް އަސްވާނެ ކަމަށް އުންމީދު ކުރައްވާ ކަމަށެވެ. ރައީސް ވިދާޅުވީ އެމަނިކުފާނުގެ ދެވަނަ ދައުރުގެ ދޭއް ނުވަތަ ތިންވަނަ އަހަރުގެ ތެރޭގައި އެ ސަރަހައްދުގައި ފަތުރުވެރިކަމަށް އިތުރު 3،000 އެނދު ތަރައްގީ ކުރައްވާނެ ކަމަށެވެ.
