ފުލުހުންގެ ފެމިލީ އެންޑް ޗައިލްޑް ޕްރޮޓެކްޝަން ޑިޕާޓްމަންޓުން ތަހުގީގު ކުރަމުންދާ މައްސަލައަކާ ގުޅިގެން ކުޑަ ކުއްޖަކު ހޯދުމުގެ މަސައްކަތް ފުލުހުން ފަށައިފިއެވެ.
ފުލުހުން ބުނީ މިމައްސަލައާ ގުޅިގެން ހޯދަމުންދަނީ ކ.މާލެ މ. ރަންބޮލި، އުމުރުން 16 އަހަރުގެ ޢަބްދުﷲ އިޝާން ނައުޝާދު ކިޔާ ކުއްޖެއް ކަމަށެވެ. ނަމަވެސް ކުޑަކުއްޖެއްގެ ފޮޓޯއާއެކު އޭނާ ހޯދަނީ ކޮން މައްސަލައެއްގައި ކަމެއް ފުލުހުން ހާމައެއް ނުކުރެއެވެ.
ޢަބްދުﷲ އިޝާން ނައުޝާދުއާ ގުޅޭ އެއްވެސް މަޢުލޫމާތެއް ލިބިފައިވާ މީހަކު ވާނަމަ ފުލުހުންގެ ފެމިލީ އެންޑް ޗައިލްޑް ޕްރޮޓެކްޝަން ޑިޕާޓްމަންޓުގެ ހޮޓްލައިން ނަމްބަރު 9790163 އަށް ގުޅުއްވައި އެކަން ޙިއްސާ ކުރުމަށްވެސް ފުލުހުން ވަނީ ބުނެފައެވެ.
