މިމަހުގެ 23 ވަނަ ދުވަހު އޮންނަ ރިޔާސީ އިންތިޚާބުގައި ވާދަކުރައްވާ ރައީސް އަބްދުﷲ ޔާމީންގެ ރަނިންމޭޓް ޑރ މުޙަންމަދު ޝަހީމް އަލީ ސައީދު ކެމްޕޭންގައި މިއަދު ދ. ކުޑަހުވަދޫއަށް ވަޑައިގެންފިއެވެ.
ކުޑަހުވަދޫއަށް މިއަދު ޝަހީމް ވަޑައިގަތީ ބަޔެއް ދީނީ އިލްމްވެރިންނާވެސް އެކުގައެވެ. ކުޑަހުވަދޫއަށް ޝަހީމް މިއަދު ހެނދުނު ވަޑައިގަތީ ރޭ ހުޅުމާލޭގައި އޮތް ޕީޕީއެމްގެ ކެމްޕޭން ޖަލްސާގައި ބައިވެރިވެވަޑައިގަތުމަށް ފަހުއެވެ.
ކުޑަހުވަދޫއަށް މިއަދު ވަޑައިގެންނެވިއިރު ރައީސް ޔާމީނަށް ތާއީދު އިތުރުކޮށް ދެއްވުމަށްޓަކައި މީގެކުރިންވެސް ޝަހީމް ވަނީ ރާއްޖޭގެ ވަރަށްގިނަ ރަށްރަށަށް ވަޑައިގެންފައެވެ. އޭގެތެރޭގައި ޝަހީމްގެ އުފަން އަތޮޅު ކަމަށްވާ ލ. އަތޮޅާއި ގއ އަދި ގދ ގެ އިތުރުން ފުއައްމުލަކަށްވެސް މީގެކުރިން ވަނީ ވަޑައިގެންފައެވެ.
