ރައީސުލްޖުމްހޫރިއްޔާ އަބްދުﷲ ޔާމީން މިއަދު ފ. އަތޮޅަށް ކުރައްވާ ދަތުރުފުޅެއްގައި އެ އަތޮޅަށް ވަޑައިގެންފިއެވެ.
ރައީސްގެ ފ. ދަތުރުފުޅުގައި އެންމެ ފުރަތަމަ ވަޑައިގެންނެވީ ފ. ފީއަލި އަށެވެ. މައުލޫމާތު ލިބިފައިވާ ގޮތުގައި ރައީސްގެ ފ. ދަތުރުފުޅުގައި އެއަތޮޅުގެ މީހުން ދިރިއުޅޭ ހުރިހާ ރަށަކަށް ވަޑައިގަތުމަށް ވަނީ ހަމަޖެހިފައެވެ. ރައީސްގެ އަރިހުގައި ވަޒީރުންނައި މަޖިލީހުގެ ބަޔެއް މެމްބަރުންގެ އިތުރުންވެސް ސަރުކާރާއި ޕީޕީއެމްގެ އިސްބޭފުޅުން ވަޑައިގެންނެވިއެވެ.
ކުރިޔަށް އޮތް ރިޔާސީ އިންތިޚާބުގެ ކެމްޕޭނުގައި މިހާތަނަށް ވަރަށްގިނަ ރަށްރަށަށް ރައީސް ޔާމީން ވަނީ ވަޑައިގެންފައެވެ. އަދި ބަޔެއް ރަށްރަށަށް ކުރެއްވި ދަތުރުފުޅުގައި ތަރައްގީގެ މަޝްރޫއުތައް ފައްޓަވައިދެއްވާފައިވެސް ވެއެވެ.
