އ.ދ. ގެ ކުރިގެ ސެކްރެޓަރީ ޖެނެރަލް ކޯފީ އަނާން އަވަހާރަވެއްޖެއެވެ. ކޯފީ އަނާން ފައުންޑޭޝަނުން ނެރުއްވި ބަޔާނެއްގައި ވިދާޅުވެފައިވަނީ އެމަނިކުފާނު އަވަހާރަވެ ވަޑައިގެންނެވީ އާލާސްކަންފުޅެއްގައި އުޅުއްވުމަށްފަހު މިިއަދުގެ ވަގުތެއްގައި ކަމަށެވެ.
ކޯފީ އަނާން އަކީ ދުނިޔޭގެ އެންމެ މަތީފެންވަރުގެ ޑިޕްލޮމެޓުގެ ދައުރު އަދާކުރެއްވި އެފްރިކާގެ ކަޅު ނަސްލުގެ ފުރަތަމަ ބޭފުޅާއެވެ. އެ މަނިކުފާނު ވަނީ 1997 ވަނަ އަހަރުން ފެށިގެން 2006ވަނަ އަހަރާ ހަަމައަށް އެމަގާމުގައި ހުންނަވައި ގިނަގުނަ ޚިދްމަތް ތަކެއް ކުރައްވާފައެވެ.
އެއަށްފަހު އ.ދ ފަރާތުން ސޫރިޔާއަށް ކަނޑަައެޅުއްވި ޚާއްޞަ މަންދޫބުގެ ގޮތުގައި ވެސް އެމަނިކުފާނު ހުންނެވިއެވެ.
ކޯފީ އަނާން އަވަހާރަވެވަޑައިގެްނނެވި ކަން އިއުލާން ކުރައްވަމުން 'ދަ ކޯފީ އަނާން ފައުންޑޭޝަން' އިން ނެރެފައިވާ ބަޔާނެއްގައި އެމަނކުފާނު ސިފަކުރައްވާފައިވަނީ 'ބަވަނަ ވެރިއެއް' (ގްލޯބަލް ސްޓޭޓްމަން) ގެ ގޮތުގައެވެ.
ކޯފީ އަނާން އަކީ ދުނިޔޭގައި ހަމަޖެހުން ގާއިމު ކުރެއްވުމަށް ކެނޑިނޭޅި މަސައްކަތްޕުޅު ކުރެއްވި ބޭފުޅެކެވެ. އިންސާނިއްޔަތަށް ޚިދުމަތް ކުރުމުގެ ރޮނގުން އެމަނިކުފާނަށްވަނީ ނޯބަލް ޕީސް ޕްރައިޒް ލިބިވަޑައިގެންފައެވެ. އަނާން އަވަހާރަވީ އިރު އުމުރުފުޅަކީ 80 އަހަރެވެ.
