ޕާކިސްތާނުގެ ގާނޫނުހަދާ މަޖިލިސް (ނޭޝަނަލް އެސެންބްލީ) އިން އެ ގައުމުގެ ބޮޑުވަޒީރުކަމަށް އިމްރާން ޚާން އައްޔަންކޮށްފިިއެވެ. ޕާކިސްތާނަށް 1992 ވަނަ އަހަރު ކްރިކެޓްގެ ވާލްޑް ކަޕް ތަށި ކާމިޔާބުކޮށްދިން ގައުމީ ކްރިކެޓް ޓީމުގެ ކުރީގެ ކެޕްޓަން އިމްރާން ޚާން އެ މަގާމަށް އަައްޔަންކުރީ މަޖިލީހުގެ 176 މެންބަރުންގެ ތާއީދާއެކުގައެވެ. މަޖިލީހުގެ އަޣުލަބިއްޔަތަކީ 172 އެވެ. އޭނާއާ ވާދަކުރެއްވި ޕާކިސްތާނު މުސްލިމް ލީގް-ނަވާޒް (ޕީއެމްއެލް-އެން) ގެ މިޔާން ޝެހެބާޒް ޝަރީފަށް ލިބިވަަޑައިގަތީ 96 ބޯޓެވެ. ދެވަނައަށް އެންމެ ބޮޑު އިދިކޮޅު ޕާޓީ، ޕާކިސްތާން ޕީޕލަސް ޕާޓީ (ޕީޕީޕީ) އާއި ބައެއް ކުދި ޕާޓީތަކުން ވޯޓުގައި ބައިވެރި ނުވެއެވެ.
ފާއިތުވި ޖުލައި މަހުގެ 25 ގައި ބޭއްުވުނު އާއްމު އިންތިޚާބުގައި އެންމެ ގިނަ ގޮނޑި ކާމިޔާބުކުރީ އިމްރާން ޚާންގެ ޕާޓީ، ޕާކިސްތާން ތަހްރީކޭ އިންސާފް (ޕީޓީއައި) އެވެ. އެހެންނަމަވެސް، އެޕާޓީއަށްވެސް އަޣުލަބިއްޔަތު ލިބިފައި ނުވާތިީ އެޕާޓިން ވަނީ ކުދި ބައެއް ޕާޓީތަކާއި، މިނިވަން މެމްބަރުންގެ ތާއީދާއެކު އަޣުލަބިއްޔަތު ހޯދާފައެވެ.
ބޮޑު ވަޒީރު އިމްރާން ޚާން މަޤާމުގެ ހުވައި ކުރައްވާނީ މާދަމާ ހެނދުނުގެ ވަގުތެއްގައެވެ.
