ޕީޕީއެމްގެ ރިޔާސީ ޓީކެޓް އެޕާޓީގެ ކެންޑިޑޭޓާ ރަސްމީކޮށް ހަވާލު ކުރެއްވުމަށް ބޭއްވި ޖަލްސާގައި ރައީސް ޔާމީން އިދިކޮޅު ފަރާތްތަކާ ކުރެއްވި ސުވާލު ތަކުގެ ޖަވާބު އެބޭފުޅުންނަށް ނުދެވުނު ކަމަށް އިކޮނޮމިކް ޑިވެލްޕްމެންޓް މިސްޓަރ މުހައްމަދު ސައީދު ވިދާޅުވެއްޖެއެވެ.
"ޕޯޓް ހިޔާ ހައުސިން ސްކީމް" އިފްތިތާހު ކުރުމަށް ބޭއްވި ރަސްމިއްޔާތުގައި ވާހަކަފުޅު ދައްކަވަމުން ސައީދު ވިދާޅުވީ ރައީސްގެ އެސުވާލުތަކަކީ އިދިކޮޅަށް ޖަވާބު ދެއްވޭނެ ސުވާލުތަކެއް ނުމެނޫން ކަމަށެވެ.
ރައީސް ކުރެއްވި ބައެއް ސުވާލުތަކުގެ ތެރޭގައި އެއާޕޯޓު ބޭރުގެ ބަޔަކަށް ވިއްކާލަންޖެހުނީ ކީއްވެތޯއާއި، އޭގެ ބަދަލުގައި ދައުލަތުގެ ޚަޒާނާއަށް ކުޑަކުޑަ އެއްޗެއް ލިބިގެންދިޔައީ ކީއްވެތޯއާއި، އިސްލާމީ އުސޫލުތައް ކިހާ ބަދަހިކަމަކާއެކީ ކިހާސާބިތު ކަމަކާއެކީ ހިންގައިދޭނެތޯއާއި، އަނެއްކާވެސް އޯލްޓަނެޓިވް ނެރެޓިވްއަކަށް ޖާގައޮތްތޯ ސުވާލުކުރާނަންތޯ ނުވަތަ ނޫންތޯއާއި، އިސްލާމީ އުސޫލުތައް ހިފަހަޓަވަން ބޭނުންކަމަށް ވަންޏާ މަރުގެ ހުކުމް ތަންފީޒު ކުރާނަންތޯއާއި، ގިސާސް ހިފާނަންތޯ ފަދަ ސުވާލުތައް ހިމެނެއެވެ.
ރައީސްގެ ސުވާލުތަކަށް ޖަވާބު ނުދެވުނުކަން ފާހަގަ ކުރައްވައި ސައީދު ވަނީ މިސަރުކާރުން ހޯދައިފައިވާ އިގްތިސާދީ ކުރިއެރުންތަކާބެހޭ ގޮތުން ބައެއް މިސާލު ދައްކަވައިފައެވެ. އެމަނިކުފާނު ވިދާުވީ ރާއްޖެއަކީ ދެކުނުއޭޝިއާގައި އެންނެ ބޮޑަށް ކުރިއަރަމުން އަންނަ އިގްތިސާދު ކަމަށެވެ. އިދކޮލޫން ފަރާތްތަކުން މަސައްކަތް ކޮށްފައިވަނީ ރާއްޖޭގެ ފަޚުރު ކަމަށްވާ ބައެއް މުއައްސަސާތައް ވިއްކާލަން ނުވަތަ އުވާލަން ނުވަތަ މީހުން މަދު ކުރުމަށް ކަމަށް ވެސް ވިދާޅުވިއެވެ.
އެހެންނަމަވެސް މިސަރުކާރުން ވަނީ އެފަދަ އެއްވެސް ކަމެއް ނުކުރައްވައި ކުންފުނުތައް ކޮޅަށް ޖަަހައި ނަފާލިބޭ ތަންތަނަށް ހައްދަވާ ފައި ކަމަށްވެސް ވިދާޅުވިއެވެ.
މިސަރުކާރުންވަނީ ވަޒީފާގެ ފުރުސަތުތައް އިތުރުކޮށް ދެއްވައި، އެއާޕޯޓަށް ޖައްސާ މަތިންދާ ބޯޓުގެ އަދަދު އިތު ކުރައްވައިފައި ކަމަށެވެ. ރައީސް ޔާމީން ވެރިކަމަށް ވަޑައިގެންނެވިއިރު މަރުކަޒީ ބޭންކު (އެމްއެމްއޭ) ގެ ރިޒާވަކީ 299 މިލިއަން ޑޮލަރު ކަމަށައި ފާއިތުވެދިޔަ ހަތަރު އަހަރާއި ބައިގެ ތެރޭގައި އެއަދަދު ވަނީ 799 މިލިއަން ޑޮލަރަށް އިތުރު ކުރައްވައިފައި މަށްވެސް ވިދާޅުވިއެވެ، އޭގެ އިތުރަށް ވެލަނާ އިންޓަނޭޝަނަލް އެއާޕޯޓު އިންޑިއާގެ ޖީއެމްއާރު ކުންފުނީގެ އަތުން އަނބުރައި ހޯދުމަށް 300 މިލިއަނަށްވުރެ ގިނަ ޑޮލަރު ސަރުކާރުން ހޭދަކުރަން ޖެހުނު ކަމަށާއި އެހެންނުވި ނަމަ ރާއްޖޭގެރިޒާވް އެއްބިލިއަނަށް އެރީސް ކަމަށް ވެސް ވިދާޅުވިއެވެ.
މިފަދަ ކުރިއެރުން ތަކަކީ އިދިކޮޅު ވިސްނައި ފިކުރުކުރަންޖެހޭ ކަންކަން ކަމަށް ވެސް ސައީދު ވިދާޅުވިއެވެ.
