ބޭނުންވާނެ ތަކެތި:
ޖޯޑެއްގެ ތިންބައިކުޅަ ދެބައި އޮލިވް އޮއިލް
މޭޒުމަތީ ސަމުސަލުގެ ހަ ސަމުސާ ކޮކޯ (ފުރާނާފައި)
ބައި ޖޯޑު ހޫނު ފެން
ދެ ސައިސަމުސާ ވެނީލާ އެސެންސް
ދޮޅު ޖޯޑު އާމަންޑް މީލް ނުވަތަ ޖޯޑެއްގެ ހަތަރުބައިކުޅަ ތިންބައި ފުށް
ބައިޖޯޑު ބޭކިން ސޮޑާ
ލޮނު ކޮޅެއް
1 ޖޯޑޫ ހިމުން ހަކުރު
3 ކުކުޅު ބިސް
ތައްޔާރު ކުރާނެ ގޮތް:
1. 170 ޑިގްރީ އަށް އަވަން ހޫނު ކުރާށެވެ. 9 އިންޗީގެ ޓްރޭއެއްގައި މާޖިރީން ހާކައި ތެޔޮ ކަރުދާސް އަޅާށެވެ.
2. ބޯތަށްޓަކަށް ކޮކޯ ޕައުޑަރު އަޅާއި އޭގެ ތެރެއަށް ކެކިކެކި ހުރު ފެން އަޅައި ޕޭސްޓަށް ވަންދެން ގިރާށެވެ. ދެން ވަނީލާ އެސެންސް އަޅައި ހިހޫ ކުރަން ބަހައްޓާށެވެ.
3. ބޯތަށްޓެއްގައި އާމަންޑް މީލް ނުވަތަ ފުށާއި ބޭކިން ސޮޑާ އާއި ލޮނު ކޮޅު އަޅައިގެން އެއްކުރާށެވެ.
4. ދެން މިކްސަރަކަށް ހަކުރާއި އޮލިވް އޮއިލް އަދި ބިސް އަޅައި ކްރީމަށް ވަންދެން ބާރު ސްޕީޑުގައި ގިރާށެވެ.
5. މިކްސަރުގެ ސްޕީޑު ދަށްކޮށް ކޮކޯ މިކްސަޗަރި އޭގެ ތެރެއަށް އަޅައި އެއްކުރާށެވެ. ރަނގަޅަށް އެއްކުރެވުމުން އާމަންޑް މީލް ނުވަތަ ފުށް އަޅައިގެން އެއްކުރާށެވެ.
6. އެއްކުރެވުމުން ޓްރޭއަށް އަޅައި 40 ނުވަތަ 45 މިނިޓް ވަންދެން އަވަނުގައި ފިހޭށެވެ.
7. 40 ނުވަތަ 45 މިނިޓް ހަމަވުމުން އަވަނުން ނަގައި 10 ވަރަކަށް މިނިޓް ވަންދެން ޓްރޭ އާއެކު ބަހައްޓާށެވެ. އޭރުން ޓްރޭއިން ކޭކް ނަގަން ފަސޭހަވާނެއެވެ.
މިއީ އައިސްކްރީމް އާ އެކު ކާން ވަރަށް މީރު ކޭކެކެވެ. 8 ނުވަތަ 12 މީހުންނަށް މި ކޭކުން ފުދޭނެއެވެ.
