ދަރުމަވަންތަ ހޮސްޕިޓަލުގައި ކޮވިޑް-19އަށް ފަރުވާދެމުންދިޔަ މީހަކު ނިޔާވެ ކޮވިޑް-19ގައި ރާއްޖެއިން ނިޔާވި މީހުންގެ ޢަދަދު 53އަށް އަރައިފިއެވެ.
މިއަދު ހަވީރު 15:42ގައި ނިޔާވެފައިވާ މީހަކީ ޢުމުރުން 70 އަހަރުގެ ދިވެހި ފިރިހެނެއްކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ)އިން ވިދާޅުވެއެވެ.
Today at 03:42pm, a 70-year-old Maldivian male admitted at DH11 has passed away.
This is the 53rd #COVID19 death in the Maldives
Our thoughts and prayers are with the bereaved family. May Allah grant his soul eternal peace in heaven.
— Health Protection Agency (@HPA_MV) February 3, 2021
އެންމެފަހުން ކޮވިޑް-19އަށް ޕޮޒިޓިވްވެފައިވާ މީހަކު ރާއްޖޭގައި ނިޔާވީ މިދިޔަ ޖެނުއަރީމަހުގެ31ވަނަ ދުވަހުއެވެ. އެއީ ދިވެއްސެކެވެ. އެދުވަހު ނިޔާވެފައިވަނީ ހުޅުމާލޭ ކޮވިޑް ފެސިލިޓީގައި ފަރުވާދެމުންދިޔަ ޢުމުރުން 88 އަހަރުގެ ދިވެހި ފިރިހެނެކެވެ.
މިއަހަރު ފެށުނުފަހުން ކޮވިޑް-19ގެ ކޭސްތައް އިތުރުވެ ނުރައްކާތެރިކަންވަނީ ބޮޑުވެފައެވެ. މިއަހަރުގެ ފުރަތަމަ މަސް ނިމުނުއިރު، 4 މީހުން މިވަނީ މިބަލީގައި ނިޔާވެފައެވެ. މިއީ 5ވަނަ މީހާއެވެ. ރާއްޖެއިން ކޯވިޑް-19އަށް ޕޮޒިޓިވްވި މީހުންގެ ޖުމްލަ ޢަދަދަކީ މިހާތަނަށް 16,155 އެވެ. ރާއްޖެއިން ކޮވިޑް-19އަށް ޕޮޒިޓިވްވި މީހުންގެ ތެރެއިން ޖުމުލަ 14,263 މީހުން ވަނީ ރަނގަޅުވެފައެވެ. މިހާރު ކޮވިޑް-19ގެ ބަލިމީހުންގެ ގޮތުގައި ފަރުވާދެމުންދަނީ 1,833 މީހުންނަށެވެ. މިވަގުތު މިބަލީގައި އެޑްމިޓްކޮށްގެން ފަރުވާދެނީ 186 މީހުންނަށެވެ.
