އައްޑޫސިޓީއަށް ކުރި ވިއްސާރައިގައި ބޯކޮށް ވާރޭވެހި ބައެއްގެތަކަށް ފެންވަދެ ގެއްލުންވެފައިވާތީ ޑިފެންސް މިނިސްޓަރ މާރިޔާ އަޙުމަދުދީދީ އައްޑުއަށް ވަޑައިގެން ރައްޔިތުންގެ ޙާލު ބައްލަވައިލައްވައިފިއެވެ. އެކަމަނާގެ އަރިހުގައި މޭޖަރޖެނެރަލް ޝަމާލް ވެސް އައްޑުއަށް ވަޑައިގެންނެވިއެވެ.
މިދަތުރުފުޅުގައި މިނިސްޓަރ ވަނީ އައްޑޫ ސިޓީގެ މޭޔަރ ޢަބްދުﷲ ޞާދިގާ ބައްދަލު ކުރައްވައިފައެވެ. އަދި އައްޑޫ ސިޓީއަށް ލިބުނުގެ ގެއްލުންތަކުގެ ތަފްސީލް ވެސް މޭޔަރުގެ ކިބައިން މިނިސްޓަރ ވަނީ ހޯދައިފައެވެ.
މޭޔަރ ވިދާޅުވެފައިވަނީ އައްޑޫގެ ޙާލަތު މިހާރު އަންނަނީ ރަނގަޅުވަމުންނެވެ. މި މިވިއްސާރައިގައި ދެ ޢާއިލާއަކަށް ވަގުތީ ބޯހިޔާވަހިކަން ވަނީ ފޯރުށްދީފައެވެ. އައްޑޫ ސިޓީގެ ޑެޕިޔުޓީ މޭޔަރ ވިދާޅުވީ ވަގުތީ ހިޔާއަށް ގިނަ މީހުން ނޭދުނަސް ވަރަށްގިނަ މީހުންތިބީ އެޙާލަތުގައި ކަމަށެވެ.
ފެންބޮޑުވުމުގެ ސަބަބުން ބައެއް ގެތަކުގެ ފަޚާނާތަކަށް ވަނީ މައްސަލަވެސް ދިމާވެފައެވެ. މިވިއްސާރައިގައި 280 އަށްވުރެ ގިނަ ގެތަކަށްވަނީ ފެނުގެ އަސަރު ކޮށްފައެވެ.
މި ވިއްސާރައިގައި ގެއްލުނު ލިބުނުފަރާތަކަށް ހަމްދަރުދީއާއި ހެޔޮދުޢާ ފޮރިންމިނިސްޓަރ ޝާހިދުވަނީ ދަންނަވައިފައެވެ.
