ހިންމަފުށީ އައްސޭރިޖަލުގައި ހުކުމް ތަންފީޒުކުރަމުންދިޔަ މީހަކު ކުއްލިއަކަށް މިއަދު ނިޔާވެއްޖެއެވެ.
ފުލުހުން ވިދާޅުވީ ނިޔާވެފައިވަނީ ޢުމުރުން 34 އަހަރުގެ ފިރިހެނެއް ކަމަށެވެ. އޭނާ ނިޔާވީ މިއަދު ހަވީރު ކުޅެން ގޮސްފައި އައި މަގުމަތީގައެވެ. ކުޅެން ގޮސްފައި އައިމަގުމަތީގައި އޭނާ ކުއްލިއަކަށް ވެއްޓިގެން ބެލިއިރުވަނީ ނިޔާވެފައި ކަމަށް ފުލުހުން ވިދާޅުވިއެވެ.
އެ ޙާދިސާގެ މަޢުލޫމާތު ފުލުހުންނަށް ލިބިފައިވަނީ މިއަދު ހަވީރު 6:14 އެހައިކަންހާއިރު ކަމަށް ފުލުހުންވަނީ ވިދާޅުވެފައެވެ. އެ މީހާއާ ބެހޭ އިތުރު މަޢުލޫމާތު ފުލުހުން ހާމައެއް ނުކުރައްވައެވެ.
ރާއްޖޭގައި މިހާރަކަށް އައިސް ކުއްލި މަރުތައް އަންނަނީ އިތުރުވަމުންނެވެ.
