ދޫނިދޫ ކައިރީގައި އޮތް ޓަގް ބޯޓެއްގައި އަލިފާނުގެ ޙާދިސާއެއް ހިނގައިފި ކަމަށް އެމްއެންޑީއެފުން ވިދާޅުވެއްޖެއެވެ.
އެމްއެންޑީއެފްގެ ތަރުޖަމާނު ކެޕްޓަން އިބްރާހީމް ޢާޒިމް ވިދާޅުވީ ރޯވެފައިވަނީ ބޯޓުގެ އިންޖީން ރޫމުގައި ކަމަށެވެ. އެހެންނަމަވެސް ރޯވާން މެދުވެރިވި ސަބަބެއް އަދި ކަށަވަރު ވެފައެއް ނުވެއެވެ. މިޙާދިސާގައި މީހަކަށް އެއްވެސް ގެއްލުމެއް ލިބިފައެއް ނުވެއެވެ.
ޙާސިސާގެ މަޢުލޫމާތު އެމްއެންޑީއެފަށް ލިބުމުން ހުޅުމާލެގައި ޙަރަކާތްތެރިވާ އެމްޑީއެފް ފަޔަރުން ވަނީ އެ ބޯޓަށް ގޮސް އަލިފާން ކޮންޓްރޯ ކޮށްފައެވެ. މިޙާދިސާގެ މަޢުލޫމާތު އެމްއެންޑީއެފަށް ލިބުނީ ހަވީރު 4:55 ގައި ކަމަށް ވެސް ޢާޒިމް ވިދާޅުވިއެވެ. މިހާރު ވެސް އެމްއެންޑީއެފްގެ ފަޔަރ ޓީމް ގެންދަނީ އެބޯޓުގައި ޙަރަކާތްތެރިވަމުންނެވެ. އަލިފާން އެއްކޮށް ކޮންޓްރޯލް ކުރެވިފައިވަނީ 6:02 ގައެވެ.
މިއީ އޭޑީކޭ ކޮމްޕެނީގެ "ރާދަފަތި" ނަމަކަށް ކިޔާ ޓަގް ބޯޓެކެވެ. އޭގައި ރޯވިއިރު ތިބީ ފަސް ދިވެހިންނާއި ބިދޭސީއެކެވެ. އެންމެންގެ ޙާލުވެސް ރަނގަޅެވެ. މިއީ އުޅަނދުފަހަރު ކަފުޖަހަން ބޭނުންކުރާ ޓަގް ބޯޓެކެވެ.
މިއުޅަނދުގައި ރޯވިއިރު އޭގައި 15000 ލީޓަރުގެ ޑީސެލް ހުރިކަމަށް ވެސް އެމްއެންޑީއެފުން ވިދާޅުވިއެވެ.
