5:41
ރައީސް ޞާލިޙު: ހޫނު ކަމަކަށްފަހު ފިނިކަމެއް އަންނާނެ ކަމަށް ވިދާޅުވަމުން ޅެންބައިތަކުން ޚިތާބު ނިންމަވާލައްވައިފި.
5:39
ރައީސް ޞާލިޙު: ސިފައިންނާއި ފުލުހުންނަށް އިތުބާރު ހޯދައިދޭނަން
5:38
ރައީސް ޞާލިޙު: އިންޑިއާއާއި އަވަށްޓެރި ޤައުމުތަކާ އޮންނަ ގުޅުން ގާއިމްކޮށް އިންޑިއާ ކަނޑުގެ އަމާންކަން ދެމެހެއްޓުމަށް ކުރެވެންއޮތް ކަމެއްކުރާނަން.
5:37
ރައީސް ޞާލިޙު: ފުރަތަމަ ސަތޭކަ ދުވަހުގެ ތެރޭގައި ކައުންސިލްތަކަށް ބާރުދީ ބާރުވެރި ކުރުވާނަން.
5:35
ރައީސް ޞާލިޙު: ފުރަތަމަ ސަތޭކަ ދުވަހު ކަރަންޓުގެ އަގުހެޔޮ ކުރެވޭނެ. ފަސްޓް ޑިގްރީއަށް ހިލޭ ކިޔަވައި ދެވޭނެ.
5:34
ރައީސް ޞާލިޙު: ވަށައިގެންވާ ތިމާވެށި ހިމާޔަތް ކުރުމަށް ބައިނަލް އަގުވާމީ ފެންވަރުގެ ޕްރޮގްރާމެއް ފަށާނަން. ތަރައްގީގެ މަސައްކަތް ކުރާނީ ތިމާއްޓާ ގުޅޭގޮތަށް.
5:32
ރައީސް ޞާލިޙު: ނުކުޅެދުންތެރިކަން ހުންނަ ފަރާތްތަކަށް އެހީވުމަށް މިސަރުކާރު ފަސްނުޖެހޭނެ.
5:31
ރައީސް ޞާލިޙު: ރައްޔިތުންގެ ޝަކުވާތައް ބެލުމުގެ ނިޒާމެއް ޤާއިމްކުރާނަން. ރައްޔިތުންނަށްޓަކައި ކޮށްދޭން ފަސްޖެހޭނެ ކަމެއް ނޯންނާނެ.
5:28
ރައްޔިތުންގެ ފައިސާ ހޯދައި ރައްޔިތުންނާ ހަވާލު ކުރަންޖެހޭ. ގެއްލިފައިވާ މީހުންގެ ޙަޤީޤަތް ހޯދައި އެކަންވީގޮތް އެނގެންޖެހޭ.
5:27
ރައީސް ޞާލިޙު: ރައްޔިތުންނަށް ބޭނުންވާ ކަންކަން ހަމަޖެއްސުމަށް މަސައްކަތް ކުރާނަން. އެކަމުގައި ރައްޔިތުންގެ އެއްބާރުލުން ބޭނުން.
5:21
ނުފޫޒެއްނެތި ޝަރީއަތް ކުރުމުގެ ފުރުސަތު ފަނޑިޔާރުންނަށް ހޯދައިދޭންޖެހޭ.
5:21
ރައީސް ޞާލީހު: އަޅުގަނޑު ކުރި ހުވައިގެ މަތީގައި ދެމިހުރެ އެއާ އެއްގޮތަށް ޢަމަލު ކުރާނަން.
5:29
ރައީސް އިބްރާހީމް މުޙައްމަދު ޞާލިޙު ޤައުމާ މުޚާތަބު ކުރައްވަން ފަށްޓަވައިފި.
4:58
ކީރިތި ޤުރުއާނުގެ ބަރަކާތުން ރަސްމިއްޔާތު ފަށްޓަވައިފި
4:52
ހުވައި ކުރެއްވުމުގެ ރަސްމިއްޔާތަށް އިބްރާހީމް މުޙައްމަދު ޞާލިޙު ވެސް ވަޑައިގެންފި.
4:47
އިބްރާހީމް މުޙައްމަދު ޞާލީހު ރައީސުލްޖުމްހޫރިއްޔާ ކަމުގެ މަޤާމުގެ ހުވައި ކުރެއްވުމުގެ ރަސްމިއްޔާތުގައި ބައިވެރިވެ ވަޑައި ގެންނެވުމަށް އިންޑިއާގެ ބޮޑުވަޒީރު ވެސް ގަލޮޅު ދަނޑަށް ވަޑައިގެންފި.
4:43
އިބްރާހީމް މުޙައްމަދު ޞާލީހު ރައީސުލްޖުމްހޫރިއްޔާ ކަމުގެ މަޤާމުގެ ހުވައި ކުރެއްވުމުގެ ރަސްމިއްޔާތުގައި ބައިވެރިވެ ވަޑައި ގެންނެވުމަށް ރާއްޖޭގެ ކުރީގެ ތިން ރައީސުން ކަމަށް މައުމޫން ޢަބްދުލްޤައްޔޫމާއި، މުޙައްމަދު ނަޝީދާއި، ޑރ. ވަޙީދު ގަލޮޅު ދަނޑަށް ވަޑައިގެންފި. މި ރަސްމިއްޔާތުގައި ރައީސް ޔާމީން ބައިވެރި ވަޑައެއް ނުގަންނަވާ. އެމަނިކުފާނު ބައިވެރިވެ ވަޑައިނުގަންނަވަނީ އެކަމަށް އެމަނިކުފާނުގެ ސަޕޯޓަރުން ތާއިދު ނުކުރައްވާތީ.
