ސާރާ އަލީ ޚާން އާއި ސުޝާންތް ރާޖްޕުތްްގެ ފިލްމު 'ކެދަރްނާތް' ރިލީޒްކޮށްފިއެވެ. މިއީ އާދަޔަ ޚިލާފު ލޯބީގެ ވާހަކައެއްގެ މައްޗަށް ބިނާކޮށް އުފައްދާފައިވާ ފިލްމެކެވެ. ފިލްމުގެ ވާހަކަ ބިނާކޮށްފައިވަނީ 2013ވަނަ އަހަރު އިންޑިއާގެ އުއްތަރްޚާންދަށް ކުރިމަތިވި ފެންބޮޑުވުމުގެ ހާދިސާއެއްގެ ތެރޭގައި ހިނގާ ލޯބީގެ ހާދިސާއެއްގެ މައްޗަށެވެ. ސުޝާންތަ އަކީ ފިލްމުގައި މުސްލިމެކެވެ. އަދި ސާރާ ކުޅެނީ ހިނދޫ އަންހެން ކުއްޖެއްގެ ރޯލެވެ. ސުޝާންތް އަކީ ބުރަކަށި މަތީގައި ކެދަރްނާތް އަށް އަޅުކަން ކުރަން ދާ މީހުން އުފުލާ މީހެކެވެ. ސާރާ އަށް ސުޝާންތް ދެކެ ލޯބި ވެވުމުން އޭނާގެ އާއިލާ އިން އެކަމާ ދެކޮޅު ހަދައެވެ. އެހިސާބުން ސާރާ ދުއާ ކުރަނީ ކެދަރްނާތަށް ބޮޑު މުސީބާތެއް ކުރިމަތި ކުރުވުމަށެވެ.
ކެދަރްނާތް ޓްރެއިލަރ:
ޓްރެއިލަރ ފެށިގެން އިރުކޮޅެއްގެ ތެރޭގައި ކެދަރްނާތްގައި އަޅުކަމުގައި މަޝްޣޫލުވެ ތިބޭ ގެސްޓުން ގެ ތެރޭގައި ފެންބޮޑުވާ މަންޒަރު ފެނެއެވެ. މި ހާދިސާ އިން މަންސޫރް (ސުޝާންތް) އަދި ސާރާ (މުއްކު) ސަލާމަތްވި ކަން އެނގޭނީ ޑިސެންބަރު މަހުގެ 7ވަނަ ދުވަހު ފިލްމު ރިލީޒް ކުރުމުންނެވެ.
ފިލްމުގެ ރަސްމީ ޓްރެއިލަރ އާއްމު ކުރީ މިއަދުއެވެ. ޓްރެއިލަރ އަށް ފަހު ސާރާ އަށް ގިނަ ބަޔަކު ދަނީ ވަރަށް ބޮޑަށް ތައުރީފު ކުރަމުންނެވެ. ފިލްމު އުފެއްދި ފަރާތުން ފިލްމުގެ އެއްވެސް ލަވައެއް ޓްރެއިލަރގައި ހިމަނާފައި ނުވެއެވެ. ނަަމވެސް ނޮވެންބަރު މަހުެގ 5ވަނަ ދުވަހު ފިލްމުގެ ލަވައެއް ވަނީ ނެރެފައެވެ. މި ލަވަ ގިނަބަޔަކަށް ކަމުދިޔައެވެ.
މިއަދު ފިލްމުގެ ރަސްމީ ޓްރެއިލަ ރިލީޒް ކުރަން ބޭއްވި އިވެންޓުގައި ސާރާ ބުނީ އޭނާ ބޭނުންވަނީ އޭނާގެ ދޮން މަންމަ ކަރީނާ ކަޕޫރް ފަދަ ޕްރޮފެޝަނަލް ތަރިއަކަށް ވާށެވެ.
https://instagram.com/p/BqFmdWpjofD/
ފިލްމުގެ ޕއރޮމޯޝަން ވެސް މިއަދު ވަނީ ފަށާފައެވެ.ސާރާ އާއި ސުޝާންތް ވަނީ ފިލްމް ޕްރޮމޯޓު ކުރުމަށް އިންޑިއަން އައިޑޮލް އަށް ގޮސްފައެވެ. މި އެޕިސޯޑު މިއަންނަ ހަފްތާ ބަންދުގައި ބްރޯޑްކާސްޓް ކުރާނެއެވެ.
