ދިމިޝްގެގެ ބައިނަލްއަގްވާމީ ބަނދަރު ކައިރިއަށް އިސްރާއީލުން ރޭ ދަންވަރު ދެ މިސައިލު ފޮނުވާލާފައިވާ ކަމަށް ސީރިޔާއިން ބުނެފިއެވެ.
ސީރިިޔާގެ ރަސްމީ ޚަބަރު ފަތުރާ ވަސީލަތްތަކުން "އަންގާރަވިލޭރޭ ދަންވަރުގެ ވަގުތެއްގައި އިސްރާއީލުގެ ދެ މިސައިލް ދިމިޝްގުގެ ބައިނަލް އަގްވާމީ ވައިގެ ބަނދަރު ކައިރިއަށް ތިރިވެފައި" ވާކަމަށް ބުނި ނަމަވެސް އިތުރު ތަފްސީލެއް ދީފައި ނުވެއެވެ.
ސީރިއަން އޮބްޒަވޭޓަރީ ފޯ ހިއުމަން ރައިޓްސްގެ ވެރިޔާ ރާމީ ޢަބްދުއްރަޙްމާން ވިދާޅުވީ "އިސްރާއީލުގެ މިސައިިލް ހަމަލާ އަރާފައިވަނީ ދިމިޝްގެ ވައިގެ ބަނދަރު ކައިރީގައި ހުރި ހިޒްބުﷲގެ ހަތިޔާރު ގުދަނަކަށެވެ."
އޭނާ އިތުރަށް ވިދާޅުވި ގޮތުގައި މިސައިލް ހަމަލާ އައިސްފައިވަނީ ދަންވަރު 1:00 ހާއިރުއެވެ. އަދި ހަތިޔާރު ގުދަނަށް މިސައިލް އެރި ކަމުގައި ވިޔަސް ބާރުގަދަ ގޮވުންތަކެއް ގޮވާފައި ނުވެއެވެ. އަދިވެސް އޭނާ ފާހަގަކުރެއްވި ގޮތުގައި މިސައިލްތަކަށް ހުރަސް އެޅުމުގައި ސީރިޔާގެ ވައިގެ ދިފާއު ވަނީ ނާކާމިޔާބު ވެފައެވެ.
އިސްރާއީލުން އަންނަނީ ސީިރިޔާގައި ހުރި އީރާނާއި، އީރާނަށް ތާއިދުކުރާ ޖަމާއަތްތަކުގެ ތަންތަނަށް ދޭތެރެދޭތެރެއިން ހަމަލާދެމުންނެވެ.
