ސުޕްރީމް ކޯޓުގެ ފަނޑިޔާރު އަލްއުސްތާޒް ޢަބްދުﷲ ޢަރީފު މުސްކުޅި ކުރައްވައި ކޯޓު ހިންގުން ޑރ. އަޒްމިރަލްދާ ޒާހިރް އާއި ހަވާލުކުރެއްވުމަށް ޖޭއެސްސީއިން ނިންމަވައިފިއެވެ.
ފަނޑިޔާރު ޢަބްދުﷲ ޢަރީފް މުސްކުޅިކުރެއްވުމަށް ޖޭއެސްސީ އިން ނިންމެވީ ސިއްހީ ހާލަތު ހުރިގޮތުން މުސްކުޅި ކޮށްދެއްވުމަށް ކޮމިޝަނުގައި އެދިވަޑައިގަތުމުންނެވެ.
ކޮމިޝަނުން ވަނީ ސުޕްރީމް ކޯޓުގެ ފަނޑިޔާރު އަލްއުސްތާޒް ޢަބްދުލްޣަނީ މުޙައްމަދު ފަނޑިޔާރުކަމުގެ މަސައްކަތުން ވަގުތީ ގޮތުން ދުރުކުރެއްވުމަށް ވެސް ނިންމަވާފައެވެ. އެގޮތުން އެމަނިކުފާނު ފަސްދޮޅަސް ދުވަހުގެ މުއްދަތަށް މަސައްކަތުން ދުރުކުރެއްވުމަށް ވަނީ ނިންމަވާފައެވެ. ޣަނީ ސަސްޕެންޑުކުރެއްވުމަށް ނިންމެވީ އެ ކޮމިޝަނުން ތަހުގީގުކުރާ މައްސަލައިގެ ބާވަތުން މަސައްކަތުން ދުރުކުރައްވަން ޖެހޭކަމަށް ކޮމިޝަނަށް ފެނިވަޑައިގަތުމުންނެެވެ.