ފ. ފީއަލީ ދިރާސާ ދޯނިން މަހަށް ގޮސް އުޅުނު ޢުމުރުން 57 އަހަރުގެ މީހެއްގެ ލޮލަށް ބުޅިއެއް ހެރިނގެން މާލެ ގެނައުމުގެ މަސައްކަތް އެމްއެންޑީއެފުން ފަށައިފިއެވެ. އެމްއެންޑީއެފުން ވިދާޅުވެފައިވަނީ އެ މަޢުލޫމާތު މިއަދު 9:47 ގައި ލިބުމާއެކު އެމީހާއަށް އަވަސް ފަރުވާ ދިނުމަށް މާލެ ގެނައުމުގެ މަސައްކަތް ކުރަމުންދާ ކަމަށެވެ.
މި ހާދިސާ ހިނގާފައިވަނީ އދ. މަންދޫ ހުޅަނގުން 111 ނޯޓިކަލް މޭލު ބޭރުގައި އެ ދޯނި މަސްވެރިކަން ކުރަން އުޅުމުގެ ތެރޭގައި ކަމަށް އެމްއެންޑީއެފުން ހާމަކުރައްވާފައިވެއެވެ.