ރައީސުލްޖުމްހޫރިއްޔާގެ އޮފީހުގެ މިނިސްޓަރު ކަމަށް މިއަދު ބޭފުޅަކު ޢައްޔަން ކުރައްވައިފިއެވެ.
ރައީސް އިބްރާހީމް މުޙައްމަމަދު ޞާލިޙު މި މަޤާމަށް ޢައްޔަން ކުރެއްވީ މ. ފީރޯޒްވިލާ، އަޙުމަދު ސަމީރެވެ. އޭނާއަކީ ރައްޔިތުންގެ މަޖިލީހުގެ ދިއްދޫ ދާއިރާގެ މެމްބަރުކަން ކުރައްވައިފައިވާ ބޭފުޅެކެވެ. މި މަމަޤާމަށް ޢައްޔަން ކުރެއްވި އިރު ހުންނެވީ ޖުމްހޫރީޕާޓީގެ ސެކްރެޓަރީޖެނެރަލްގެ މަޤާމުގައެވެ.
އަޙްމަދު ސަމީރު މަޤާމަށް ޢައްޔަނު ކުރައްވައި މަޤާމުގެ ފަތްކޮޅު ދެއްވީ މިއަދު ހަވީރު ރައީސުލްޖުމްހޫރިއްޔާގެ އޮފީހުގައި ބޭއްވެވި ރަސްމިއްޔާތެއްގައެވެ.
މީގެ ކުރިން ރައީސް ވަނީ ރައީސް އޮފީހުގެ މިނިސްޓަރުންނަށް ޢަލީ ޙާޝިމާއި، އަޙުމަދު ނަސީމާއި، މުޙައްމަދު ޝިފާޒު ޢައްޔަން ކުރައްވައިފައެވެ.