އިންތިހާބާ ދިމާކޮށް އަންނަ ފައިސާގެ ނުފޫޒަށް ނުގުޑުމަށް ޕީއެންސީގެ ރިޔާސީ ކެންޑިޑޭޓް އަދި މާލޭ ސިޓީގެ މޭޔަރ ޑރ. މުއިއްޒު އެދިވަޑައިގެންފިއެވެ.
ކެމްޕެއިންގައި ދ. ހުޅުދެއްޔަށް ވަޑައިގެން ވާހަކަ ދައްކަވަމުން މުއިއްޒު ވިދާޅުވީ އަޒުމަކަށް ވާނީ ގައުމު އިސް ކުރުމުގެ އަޒުމް ކަމަށާއި ކެމްޕެއިންގައި ފައިސާ އާއި އެހެނިހެން ނުފޫޒުތައް އައި ކަމުގައި ވިޔަސް، އެއަށް ނުލެނބުމަށް މުއިއްޒު އެދިވަޑައިގެންނެވިއެވެ.
ހުޅުދެލީގައި ދިރިއުޅޭ ރައްޔިތުންނަކީ މަސައްކަތްތެރި، ހީވާގި ބަޔަކު ދިރިއުޅޭ މަސްވެރިކަން ކުރާ ރަށެއް ކަމަށް ވެސް ވިދާޅުވިއެވެ.
މީގެ އިތުރުން ޕީއެންސީގެ ވެރިކަމެއްގައި އެހެންވެ، މަސްވެރިންނަށް ބޭނުންވާ ގިނަ ކަންކަން ހުރި ކަން ފާހަގަ ކުރެއްވިއެވެ. އަދި އެރަށުން އައިސް ލިބޭނެ ނިޒާމު ގާއިމުކޮށް ދެއްވާނެ ކަމަށް ވެސް ވިދާޅުވިއެވެ. އަދި ރަށުގެ ސިއްހީ މަރުކަޒުގެ ފެންވަރު ރަނގަޅުކޮށް، ލެބޯޓްރީގެ ހިދުމަތްތައް ލިބޭނެ ގޮތް ހައްދަވައި ދެއްވާނެ ކަމަށް ވެސް ވިދާޅުވިއެވެ.
ހުޅުދެލީ ބަނދަރު ކައިރީގައި އޮތް ބައްދަލުވުމުގައި ޑރ. މުއިއްޒު ވިދާޅުވީ ރާއްޖޭގެ ރައްޔިތުން ބޭނުންވާ ކަންކަން އިހްލާސްތެރިކަމާ އެކީގައި ފުރިހަމަކޮށްދީ ނަތީޖާ ނެރެދެއްވާނެ ކަމަށެވެ.
