ޅ. އޮޅުވެލިފުށި ސިއްހީ މަރުކަޒަށް އިތުރުކުރާ ބައި ހެދުމަށް ބަޔަކާ ހަވާލު ކޮށްފި އެވެ.
އެ މަރުކަޒަށް އިތުރުކުރެވޭ ބައިގެ އިމާރާތާއި ޕޯރޓިކޯ ހެދުމުގެ މަސައްކަތް ހަވާލުކޮށްފައިވަނީ ސަމާލު ކޮންސްޓްރަކްޝަން އާ އެވެ.
އެ ކުންފުންޏާއި މި މަސައްކަތް ހަވާލުކުރީ 4,956,494.38 (ހަތަރު މިލިޔަން ނުވަލައްކަ ފަންސާސް ހަހާސް ހަތަރުސަތޭކަ ނުވަދިހަ ހަތަރު ރުފިޔާ ތިރީސް އަށްލާރި) އަށެވެ. އަދި މި މަސައްކަތް 165 ދުވަހުގެތެރޭގައި ނިންމަން ޖެހެ އެވެ.
އެރަށުގެ ސިއްހީ މަރުކަޒަށް އިތުރުކުރެވޭ އިމާރާތާއި ޕޯޓިކޯގެ މަސައްކަތުގެ އެއްބަސްވުމުގައި ސޮއި ކުރުމުގެ ރަސްމިއްޔާތުގައިކުރެންދޫ ދާއިރާގެ މަޖިލީސް މެންބަރު އަބްދުލް ޣަނީ އަބްދުލް ޙަކީމް ވެސް ބައިވެރިވެވަޑައިގެންނެވި އެވެ.
