ވޯލްޑް ކަޕް 2022 ގެ ގްރޫޕް ސީ ގައި މިރޭ މެކްސިކޯ އާއި ޕޮލެންޑް ބައްދަލުކުރި މެޗު ވެސް އެއްވަރު ވެއްޖެއެވެ.
ޕޮލެންޑް އަދި މެކްސިކޯ ބައްދަލުކުރި މެޗު އެއްވަރުވީ އެއްވެސް ޓީމަކަށް ލަނޑެއް ކާމިޔާބު ނުކުރެވި 0-0 އިންނެވެ.
ދެޓީމުގެ ފަރާތުން ވެސް ރަނގަޅު ކުޅުމެއް ފެނިގެން ދިޔައިރު، މި ހާފުގައި ފެނިގެން ދިޔައީ އެންމެ ހަމަލާއެކެވެ. އެއީ މެކްސިކޯގެ ޖޯޖް ސަންޗޭޒް އޭރިޔާގެ ބޭރުން ޕޮލެންޑުގެ ގޯލަށް ފޮނުވާލި ހަމަލާއެކެވެ. ނަމަވެސް މި ހަމަލާ ޕޮލެންޑްގެ ގޯލްކީޕަރު ވަނީ ދިފާއުކޮށް ފައެވެ.
ދެ ވަނަ ހާފު ފެށިގެން މެޗުގެ 58 ވަނަ މިނިޓުގައި ޕޮލެންޑަށް ލަނޑު ޖަހާނެ ރަނުގެ ފުރުސަތެއް ލިބުނެވެ. އެހެނަސް، އެ ޓީމަށް ލިބުނު ޕެނަލްޓީ ލެވަންޑޯސްކީ ފޮނުވާލިއިރު، މެކްސިކޯގެ ކީޕަރު ގުއިލެރްމޯ އޮޗޯއާ ވަނީ އެ ޕެނަލްޓީ މަތަކޮށްފައެވެ.
ޕޮލެންޑްގެ ޕެނަލްޓީ ނާކާމިޔާބުވެ ލިބުނު ހިތްވަރުގައި މެކްސިކޯއިން ލަނޑެއް ޖެހުމަށް ވަރަށް ބޮޑަށް މަސައްކަތް ކުރިއެވެ. ނަމަވެސް ލަނޑު ޖަހާނޭ މާ ހުސްފުރުސަތުތަކެއް އެޓީމަށް ނުލިބުނެނެވެ. މުޅި މެޗަށް ބަލާއިރު، ދެ ޓީމުން ކުރެ ޓީމަކަށް ލަނޑު ޖަހާނޭ މާ ހުސް ފުރުސަތެއް ނުލިބެއެވެ.
