ކަރަންކާ މަގުގައި ހުރި ގެއެއްގައި ރޯވި އަލިފާން ނިއްވާލައިފި އެވެ.
އެމްއެންޑީއެފް އިން ބުނީކަރަންކާ މަގު ގައި ހުރި ގެއެއްގެ ގްރައުންޑް ފްލޯގައި އަލިފާނުގެ ހާދިސާ އެއް ހިނގާފައިވާ ކަމަށެވެ. އަދި އެ ހާދިސާގެ މައުލޫމާތު ލިބުނީ މިރޭ 21:23 ހާއިރު ކަމަށެވެ.
އެމްއެންޑީއެފް އިން ބުނީ 21:42 ގައި އެ އަލިފާން ނިއްވާލާފައިވާ ކަމަށެވެ.
މި ހާދިސާ ހިނގާފައިވާއިރު، ރޭ ވެސް ވަނީ މާލޭގައި އަލިފާނުގެ ހާދިސާއެއް ހިނގާ 10 މީހަކު ނިޔާވެފަ އެވެ. ރޭ ދަންވަރު 12:27 ހާއިރު މި ހާދިސާ ހިނގާފައިވަނީ މާލެ މާފަންނު ނިރުފެހި ގޭގެ އެންމެ ތިރީގައި ހުރި ގަރާޖުގަ އެވެ. އަދި ރޭގެ ހާދިސާގައި އަނިޔާވި މީހަކަށް އައިޖީއެމްއެޗުގައި އަންނަނީ ފަރުވާދެމުން ނެވެ. އަދި އޭނާގެ ހާލު ސީރިއަސް ކަަމަށް ފުލުހުން ވަނީ ބުނެފަ އެވެ.
