ތ. ތިމަރަފުއްޓަށް އުދަ އަރައި، އެރަށުގެ މަގުތަކުގައި ފެންބޮޑުވުމާއި ގުޅިގެން އެމްއެންޑީއެފް އިން ހަރަކާތްތެރިވަމުން އަންނަކަމަށް މައުލޫމާތު ދީފިއެވެ.
އެމްއެމްއެންޑީއެފް އިން ބުނީ އެރަށަށް އުދަ އަރައި މަގުތަކުގައި ފެން ބޮޑުވުމުގެ ސަބަބުން އެމްއެންޑީއެފް ސެންޓްރަލް އޭރިއާ ކޮމާންޑުގެ ސިފައިން ހަރަކާތްތެރިވަމުން އަންނަކަމަށެވެ.
ސެންޓްރަލް އޭރިއާ ކޮމާންޑުގެ ސިފައިން މިވަގުތު ހަރަކަތްތެރި ވަނީ ހަމައެކަނި އެރަށުގައިނަމަވެސް އެ އަތޮޅު މަޑިފުއްޓަށް އުދައަރާފައިވުމާއެކު، މަޑިފުއްޓަށް ބޭނުންވާ ވެލި ބަސްތާ ފޯރުކޮށްދިނުމަށް ތިމަރަފުށީގައި ހަރަކާތްތެރިވާ ސިފައިން އެރަށަށް ވެސް ދަތުރުކުރާނެ ކަމަށް އެމްއެންޑީއެފް އިން ބުނެއެވެ.
ރާއްޖެއަށް މިހާރުކުރަމުންދާ ވިއްސާރައިގާ އިއްޔެ ވެސް ގިނަ ރަށްތަކަކަށް އުދަ އަރާފައިވާއިރު، އެންމެ ބޮޑު ގެއްލުމެއް ކުރިމަތިވީ މަޑަވެއްޔަށެވެ. އަދި އައްޑު ސިޓީއަށް ވެސް ވަނީ ގެއްލުންތަކެއް ލިބިފައެވެ.
ރާއްޖޭގެ މޫސުމާއިބެހޭ ގައުމީ އިދާރާއިން ވަނީ މިއަދުވެސް ވަނީ ރާްއޖޭގެ ބައެއް ސަރަހައްދުތަަކަށް ވައިޓް އެލަރޓް ނެރެފައެވެ.
