(މަދަޙައިގެ ސްކްރިޕްޓް ލިޔެ، ދިވެހިބަހަށް މަދަޙަ ތަރުޖަމާކޮށް، ދިވެހިބަހުން މަދަޙަ އުފެއްދީ: ފާރޫޤު އަޙްމަދު)
މި މަދަޙަޔަކީ، އިސްލާމީ ދުނިޔޭގެ އެތައްސަތޭކަ މިލިއަން ބަޔަކު އަޑުއަހައި، މަދަޙައިން ލިބޭ ހިތްއުފައުވެރިކަމާއި، މަދަޙައިގެ ފުން އަދި އަސަރުގަދަ މާނައިގެ އިޙުސާސްތަކުން، ހިތްހަމަޖެހުން ހޯދާފައިވާ މަދަޙައެކެވެ. އެކި ޤައުމުގެ، މަދަޙަ ހުށަހަޅައިދޭ، ކުދިބޮޑު އެތައް ފަންނާނުންނެއް އެކިގޮތަށް މިމަދަޙަ ކިޔައިދީފައި ވެއެވެ. އަޅުގަނޑު މި އިޚުތިޔާރުކުރީ، އަޅުގަނޑަށް އެންމެ ރީތިކަމަށް، އަދި އެންމެ ފުރިހަމަކަމަށް ފެނުނު ފަންނާނުގެ ހުށަހެޅުމެވެ. މިއީ، ޢުމުރުން 11 އަހަރުގައި މަދަޙަ ކިޔަންފެށި ޔާސިރު ދެސާއީގެ ހުށަހެޅުމެކެވެ. އޭނާއަކީ އިންޑިއާގެ ބޮމްބޭއަށް ނިސްބަތްވާ މުސްލިމް ޒުވާނެކެވެ. މަދަޙައިގެ ރީތިކަމާއި އަސަރުގަދަކަމާއެކު، ކޮންމެވެސް ސިފައެއްގައި ކިޔުންތެރިންގެ އަރިހަށް ހުށަހަޅާލަން ބޭނުންވީއެވެ. އަޅުގަނޑުގެ މަންމައެއްފަދަ ބޭފުޅަކަށް، މީގެ ދުވަސްކޮޅެއްކުރިން، މިމަދަޙަ ތަރުޖަމާކޮށްލަދިނީއްސުރެ، މި މަދަޙައިގެ ރާގަށް ދިވެހިބަހުން މަދަޙައެއް ހެދުމުގެ ވިސްނުން އައިސްފައި ވެއެވެ. މިމަދަޙައިގެ އަޞްލަކީ، ވަރަށް މާނަފުން، ވަރަށް ބަސްމަގު ރީތި އަދި ހިތާކުޅެލާފަދަ ރީތި ރާގަކަށް ހެދިފައިވާ ވަރަށްވެސް ފުރިހަމަ މަދަޙައެކެވެ. އަޅުގަނޑަށް، މިމަދަޙަ ތަރުޖަމާކުރުމުގައި، އަދި ދިވެހިބަހުން މަދަޙައެއް ލިޔުމުގައި، އެންމެ ފުރިހަމަޔަށް އިންޞާފުކުރެވިފައި ނުވާނެކަމަށް، އަދި އަޅުގަނޑުގެ އެހައި ޤާބިލްކަމެއްނެތް ކަމަށް އެއްބަސްވާ ޙާލު، ކުށްބަހެއް ބޭނުންކުރެވި، ކުށްގޮތަކަށް ތަރުޖަމާއެއް ކުރެވިފައިވާނަމަ، ކިޔުންތެރިންގެ އަރިހުން މަޢާފަށް އެދެމެވެ.
ޙަސްބީ ރައްބީ ޖައްލަﷲ
( މަދަޙައިގެ ސްކްރިޕްޓް )
ޙަސްބީ ރައްބީ ޖައްލަﷲ މާފީ ޤަލްބީ ޣައިރުﷲ
ނޫރެ މުޙައްމަދު ޞައްލަﷲ ލާއިލާހަ އިއްލަﷲ
ތޭރޭ ޞަދްޤޭ މޭ އާޤާ ސާރެޖަހާންކޯ ދީނު މިލާ
ބޭދީނޯނޭ ކަލްމަ ޕަޅާ ލާއިލާހަ އިއްލަﷲ
ސިމްތެ ނަބީ އަބޫޖެހެލު ގަޔާ އާޤާ ސޭ އުސްނޭ ޔެ ކަހާ
ތުމްހޮ ނަބީ ބަތުލާއޮ ޒަރާ މޭރޭ މުއްޓީ މޭހޭ ކިޔާ
އާޤާ ކާ ފަރުމާނުހުވާ އައުރުފަޟުލޭ ރަޙުމާނު ހުވާ
މުއްޓީސޭ ޕައްތަރުބޯލާ ލާއިލާހަ އިއްލަﷲ
ވޯޖޮ ބިލާލޭ ޙަބްޝީހޭ ސަރުވަރެ ދީނުކަ ޕިޔާރާހޭ
ދުނިޔާކޭ ހަރު ޢާޝިޤުކީ އާނކޯންކާ ވޯ ތާރާހޭ
ޒުލްމުހުވޭ ކިތުނޭ އުސްޕަރު ސީނޭޕަރުރައްކާ ޕައްތަރު
ލަބްޕަރު ޕިރުބީ ޖާރީތާ ލާއިލާހަ އިއްލަﷲ
އަޕްނި ބެހެންސޭ ބޯލެ ޢުމަރު ޔޭތޮ ބަތާ ކިޔާ ކަރުތީތީ
މޭރޭ އާނޭސޭ ޕަހެލޭ ކިޔާ ޗުޕްކޭ ޗުޕްކޭ ޕަޅުތީތީ
ބެހެންނެ ޖަބް ޤުރުއާނު ޕަޅާ ސުންކެ ކަލަމޭ ޕާކުޚުދާ
ދިލްޔެ ޢުމަރުކާ ބޯލު އުޓާ ލާއިލާހަ އިއްލަﷲ
ދުނިޔާކޭ އިންސާނު ސަބީ ޝިރުކު އޮ ބިދުޢާ ކަރުތޭތޭ
ރަބުކޭ ތޭބަންދޭ ޕިރުބީ ބުދްކި ޢިބާދަތު ކަރުތޭތޭ
ބުދްޚާނޭހޭ ތައްރާއޭ މޭރެނަބީ ހޭ ޖަބް އާއޭ
ކެހެނަލަގީ މަޚްލޫޤެ ޚުދާ ލާއިލާހަ އިއްލަﷲ
ޙަސްބީ ރައްބީ ޖައްލަﷲ
(މަދަޙައިގެ މާނަ)
ހައްދަވައި ގެންގުޅުއްވާ އިލާހު އަހުރެންނަށް ފުދެއެވެ. އެއްކައުވަންތަ ﷲ ނޫން އެހެން ފަރާތެއް އަހުރެންގެ ހިތަކު ނުވެއެވެ. ކައުއިތުރު ނަބިއްޔާ މުޙައްމަދު (صلعم) ގެ އަލިގަދަ ނޫރުފުޅެވެ. ﷲ މެނުވީ އިލާހަކު ނުވެއެވެ. މުޅިދުނިޔެއަށް އިސްލާމްދީން ފެތުރިގެންދިޔައީ، ކަލޭގެފާނުގެ ހިއްމަތްތެރި، މިންނަތް މަސައްކަތްޕުޅުންނެވެ. (އިސްލާމް) ދީނުގެ ޢަދުއްވުންވެސް ﷲ ގެ ކަލިމަފުޅު ކިޔަންފެށިއެވެ. ﷲ މެނުވީ އިލާހަކު ނުވެއެވެ.
ނަބީ (صلعم) ގެ އަރިހަށް އަބޫޖަހުލު ދިޔަ ހިނދެވެ. އެކަލޭގެފާނުގެ އަރިހުގައި އޭނާ ދެންނެވިއެވެ. ތިޔައީ ނަބީބޭކަލެއްކަމުގައި ވަންޏާ ތިމަންގެ މުށްކެވިފައިވާ އަތުތެރޭ އޮތީ ކޮން އެއްޗެއްކަން ވިދާޅުވެ ބައްލަވާށެވެ. ކީރިތި ﷲ ގެ އިޒުނަފުޅާއެކު އެކަލޭގެފާނު އޭނާ (އަބޫޖަހުލު) ގެ މުށުތެރޭގައިވާ ހިލަކޮޅަށް އަމުރުކުރެއްވި ހިނދެވެ. އެހިނދު އަބޫޖަހުލުގެ މުށުތެރޭގައިވާ ހިލަކޮޅު ކިޔައިލިއެވެ. ﷲ މެނުވީ އިލާހަކު ނުވެއެވެ.
އެއީ ޙަބްޝް ކަރައިން ވަޑައިގެންނެވި ބިލާލުގެ ފާނެވެ. ކީރިތި ރަސޫލާ (صلعم) ނުހަނު ލޯބިފުޅުވާ ބޭކަލެކެވެ. އެއީ އިންސާނިއްޔަތަށް މިސާލެއްގެގޮތުގައި ބެލިގެންދާ، ދުނިޔޭގެ ކޮންމެ ލޯބިވެރިއެއްގެ ހިތުގެވިންދެވެ. އެކަލޭގެފާނަށްދެވުނީ ކިހާބޮޑު އަނިޔާތަކެއްހެއްޔެވެ ؟ މޭފުޅުމަތީ (އަރައިގެން އަންނަ ގަދަ އަވީގައި) ހިލަބާއްވައި މޭފުޅަށް ހޫނު ކޮށްގެންނެވެ. އެކަމަކުވެސް ﷲ އަށް ވަކީލުކުރައްވައި އެކަލާނގެ އިސްމުފުޅު ވިދާޅުވަމުން ގެންދެވިއެވެ. ﷲ މެނުވީ އިލާހަކު ނުވެއެވެ.
ޢުމަރުގެފާނު (އެކަލޭގެފާނުގެ) ކޮއްކޯފުޅަށް ވިދާޅުވިއެވެ. ވިދާޅުވެ ބައްލަވާށެވެ! ތިޔަ ކުރެއްވީ ކޮން ކަމެއްތޯއެވެ؟ އަޅުގަނޑު އައުމުގެކުރިން ސިއްރު ސިއްރުން ތިޔަ ކިޔަވާ ވިދާޅުވީ ކޮންއެއްޗެއްތޯއެވެ؟ ކޮއްކޯފުޅު ކީރިތި ޤުރުއާން ކިޔަވައި ވިދާޅުވިހިނދު، ﷲ ގެ އިސްމުފުޅުގެ އަޑުއައްސަވާފައި، ހިތްޕުޅުގެ އަޑިން ޢުމަރުގެފާނަށް ވިދާޅުވެވުނެވެ. ﷲ މެނުވީ އިލާހަކު ނުވެއެވެ.
ދުނިޔޭގެ އެންމެހައި އިންސާނުން ﷲ އަށް އުރެދި އަޅުކަން ކުރެތެވެ. ﷲ ހެއްދެވި މަޚުލޫޤުންނަށް ވެގެން ތިބެމެ، ބުދަށް އަޅުކަން ކުރެތެވެ. ކީރިތި ރަސޫލާ (صلعم) ރަސޫލުކަމައިގެން ވަޑައިގަތުމުން، ބުދުކޯލުތައް ބިންގަލާއެކު ތެޅިގަތް ހިނދު، ﷲ ހެއްދެވި މަޚުލޫޤުން ބުނަންފެށިއެވެ. ﷲ މެނުވީ އިލާހަކު ނުވެއެވެ.
ޙަސްބީ ރައްބީ ޖައްލަﷲ
ކުރެވޭ ޒިކުރުން އަސްތަޣުފާރު ފުދެޔޭ މިއަޅާޔަށް ﷲ
ނޫރު މުޙައްމަދު ޞައްލަﷲ ރޫޙުން ސީރަތު ޔާ ﷲ
ކައުނު އިލާހީ އަލިވެ ހިނގާ ފައުޅުވެ ދީނެއް މޫރިތިވާ
ކާފަރު އެންމެންވެސް ކިޔަނީ ލާއިލާހަ އިއްލަﷲ
ޖަހުލު އަބޫ ދެންނެވި ބުނެދޭން ވަގުތު ކަވާމުށް ކޯޗެއްތޯ
އިތުރު ރަސޫލުގެ އަމުރުފުޅަށް އިޒުނަފުޅާއެކު ގާ ﷲ
ނުކުމެ ތެރޭން ވާހަކަ ދެއްކީ މުށުގެ އެހިލަކޮޅު ޔާ ﷲ
ނާޒުކު ލަހުޖައިން ކިޔަމަނުގާ ލާއިލާހަ އިއްލަﷲ
ކަރަޔަށް ހަބްޝްގެ ނިސްބަތްވާ އަބަދަށް ރަޙުމަތް ލިބިގެންވާ
ފާނުބިލާލުގެ މަތިވެރިކަން ވާނެ ލޮލަށް ފިނިކަން ލިއްބާ
ކޮންފަދަ އަނިޔާއެއްތޯ އެދިނީ ދޮންކޮށް ހިލަ މޭގާ ބާއްވާ
ފާޅުގަ އެވިދާޅުވަނީ ވޭނުން ލާއިލާހަ އިއްލަﷲ
ޢުމަރުލްފާޜޫޤު ވިދާޅުވިއޭ އުޚުތަށް ސިއްރުން ކީއްތޯކުރަނީ
ކިޔަނީ ސިއްރުން ކޯޗެއްތޯ ތިޔައީ ކޮންފަދަ ޢަމަލެއްތޯ
އިވުމުން އަޑު ހިތް ތިރިކޮށްފާ އިތުރު އެ ކަލާމްފުޅު މާތް ﷲ
ހުޅުވި ހިތާ ނަފުސާ ކިޔުނީ ލާއިލާހަ އިއްލަﷲ
ޚަލްޤުން ތިބެގެން އުރެދުމުގައި އަޅުކަން ބުދުކޯލު ތަކަށް ކުރާ
އިންސީންގެ އަތުން ފުރެދުމުގައި ބިންމަތި ބަނަކޮށް އަޅުކަމުގައި
ދިޔައީ ބުދުތައް ވެއްޓިއެކީ ނިޔަނެތިވި ރަސޫލު ވަޑައިގަތުމުން
ހެކިވެއްޖެ އެކީ އެންމެން ކިޔަމުން ލާއިލާހަ އިއްލަﷲ
