މިއަދު ރާއްޖޭގެ އަތޮޅުތަކުން 1,703 މީހުންނަށް ކޮވިޑް ވެކްސިން ދީފިއެވެ.
މިއަދު މާލޭގެ ވެކްސިން ސެންޓަރުތަކުން ވެކްސިން ނުދެއެވެ. ޢާއްމުކޮށް ހުކުރުދުވަހު މާލޭގެ ވެކްސިން ސެންޓަރުތަކުން ވެކްސިން ނުދެއެވެ. އެހެންނަމަވެސް އަތޮޅުތަކުގެ ސެންޓަރުތަކުން ހުކުރުދުވަހުވެސް ވެކްސިން ދެއެވެ.
ވޭތުވެދިޔަ 24 ގަޑިއިރުގެތެރޭގައި އަތޮޅުތަކުން ކޮވިޑް ވެކްސިން ޖެހި 1,703 މީހުންނާއެކު އަތޮޅުތަކުން ވެކްސިންޖެހި މީހުންގެ އަދަދުވަނީ 53,936 އަށް އަރާފައެވެ. މާލެ ސަރަޙައްދުން ވެކްސިންޖެހި މީހުންގެ ޖުމްލަ އަދަދަ84,891 އެވެ. މިހާތަނަށް ޖުމްލަ 138,827 މީހުންނަށް ރާއްޖެއިން ވެކްސިން ދީފައިވެއެވެ .
