ނިމިދިޔަ ސަރުކާރުން ހިންގާފައިވާ ކޮރަޕްޝަނާއި ވައްކަމާއި އަދި މަރުތަކުގެ މައްސަލަތައް ބެއްލެވުމަށް ކުރައްވާންޖެހިވަޑައިގެންނެވި ކޮންމެ ކަމެއް ކުރައްވާނެ ކަމުެގ ޔަގީންކަން ހޯމް މިނިސްޓަރ ޢިމްރާން ޢަބްދުﷲ ދެއްވި ކަމަށް ރައީސް މުޙައްމަދު ނަޝީދު ވިދާޅުވެއްޖެއެވެ.
https://twitter.com/MohamedNasheed/status/1264848847886356480?s=20
ނިިމިދިޔަ ހަފްތާގައި ރައީސް ނަޝީދުވަނީ އެމްއެމްޕީއާރްސީގެ މައްސަލައިގައި ހަމައެކަނި ރައީސް ޢަބްދުﷲ ޔާމީން ޖަލުގައި ބޭންދުމުގެ މާ ބޮޑު އިންސާފެއް އެމަނިކުފާނަށް ވިސްނިވަޑައިނުގަންނަވާ ކަމަށް ވިދާޅުވެފައެވެ. އެމަނިކުފާނު މިހެން ވިދާޅުވީ އަމިއްލަ އަތްޕުޅުން ލިޔުއްވައި ވައިބަރ ގުރޫޕެއްގައި ހިއްސާކުރެއްވި ނޯޓެއްގައެވެ. ވެރިކަމަށް ވަޑައިގެންނެވި އިރު ވައުދުވެވަޑައިގެންނެވީ ކުރީ ސަރުކާރުގެ ވައްކަމުގެ މައްސަލަތައް ބައްލަވާނެކަމަށް ކަމަށް ކަމުގައި ވެސް އެ ނޯޓުގައި ލިޔުއްވާފައިވެއެވެ. އަދި އެކަން ކުރުމުގައި ފަސްޖެހެންވީ އެއްވެސް ސަބަބެއް ނެތް ކަމަށް ވިދާޅުވިއެވެ.
މީގެ އިތުރުން މަރު ކޮމިޝަނުން މަރުގެ މައްސަލަތައް ވެސް ކުރިއަށް ނުދާކަން ފާހަގަކުރައްވައި އެމަނިކުފާނު ވިދާޅުވި "މަރު ކޮމިޝަނުގެ މައްސަލަވެސް ހަަމަ މިފަދަ" ކަމަށެވެ. ކުރައްވާން ވިދާޅުވި ކަންކަން ކުރައްވާން ވާނެ ކަމަށް ރައީސް ނަޝީދު ވިދާޅުވިއެވެ.
އެމްއެމްޕީއާރްސީގެ ޚިޔާނާތާއި މަރާލާފައިވާ މީހުންގެ މައްސަލަތައް ހިނގަމުންދާ ގޮތް ބެލުމަށް މަޖިލީހަށް މިހާރުވަނީ މައްސަލައެއް ވައްދާފައެވެ. މައްސަލަ ހުށަހެޅުއްވީ ހެންވޭރު އުތުރު ދާއިރާގެ މެންބަރު އިބްރާހީމް މުޢިއްޒެވެ.އެ މައްސަލަތައް މިހާރުވަނީ މަޖިލީހުގެ 241 ކޮމިޓީއާއި ޖުޑީޝަރީ ކޮމިޓީއަށް ފޮނުވާފައެވެ.
