މާލެއިން އިތުރު ދެ މީހަކު ކޯވިޑް-19އަށް ޕޮޒިޓިވް ވެއްޖެއެވެ. މި ދެ މީހުންނަކީ ބައްޔަށް ޕޮޒިޓިވް ވި ތިންވަނަ މީހާ، MAV023 އާ ސީދާ ބައްދަލުވި ދެ މީހުންނެވެ. ދެމީހުންނަކީ ވެސް ދިވެހިންނެވެ.
ޕޮޒިޓިވް ވި ދެ މީހުންނަކީ ބައްޔަށް ޕޮޒިޓިވް ވެފައިތިބި މީހުންނާ ދިމާވިކަން ފާހަގަކުރެވި، ކަރަންޓީނުކުރެވިފައި ތިބި ދެ މީހުންނެވެ. އެޗްޕީއޭ އިން ގެންދަނީ މި ދެމީހުން އެކަހެރި މަރުކަޒަކަށް ބަދަލުކުރުމުގެ މަސައްކަތް ކުރަމުންނެވެ.
މި ދެ މީހުންނާއެކު މާލެއިން ކޮރޯނާވައިރަހަށް ޕޮޒިޓިވް ވި މީހުންގެ އަދަދަކީ ފަހެކެވެ.
ރާއްޖެއިން ޕޮޒިޓިވް ވި މީހުންގެ ޖުމުލައަކީ 25 އެވެ.
