އުރީދޫ މޯލްޑިވްސް ގެ އަހަރީ އާންމު ޖަލްސާ މިއަހަރުގެ މާރިޗު މަހު ބޭއްވުމަށް ހަމަޖެހިފައިވާ ކަމަށް އެކުންފުނީން ވިދާޅުވެއްޖެއެވެ.
މިޖަލްސާގައި ބައިވެރިވެވޭނީ އަންނަ ފެބުރުއަރީ 11 ވާ އަންގާރަ ދުވަހުގެ ރޭ 8:00 ގެކުރިން އެކުންފުނީގެ ހިއްސާދާރުންގެ ގޮތުގައި ރަޖިސްޓްރީވެފައިވާ ފަރާތްތަކަށެވެ. އަދި ހިއްސާގެ ފައިދާ ލިބޭނީ ވެސް އެ މުއަދަތުގައި ހިއްސާދާރުންގެ ގޮތުގައި ރަޖިސްޓަރީވެފައިވާ ފަރާތްތަކަށް ކަމަށް އެކުންފުނީން ވަނީ ވިދާޅުވެފައެވެ.
ޖަލްސާގައި އަމިއްލައަށް ނުވަތަ ޕްރޮކްސީ މެދުވެރިކޮށް އަހަރީ އާންމު ޖަލަސާއަށް ހާޒިރުވެވަޑައިގެން ބައިވެރިވެވޭނެ ކަމަށް ވެސް އުރީދޫ މޯލްޑީވްސް އިން ވަނީ ވިދާޅުވެފައެވެ.
އުރީދޫ މޯލްޑިވްސް އިން 2020 ވަނަ އަހަރު ބޭއްވުމަށް ހަމަޖެހިފައިވާ އަހަރީ އާންމު ޖަލްސާގެ ނޯޓިސްއާއި އެޖެންޑޭ އަންނަ ފެބުރުއަރީ 16 ވާ އާދީއްތަ ދުވަސް ނިމުމުގެ ކުރިން ކުންފުނީގެ ވެބްސައިޓުގައި އާންމުކުރެވޭނެ ކަމަށް ވެސް އުރީދޫ މޯލްޑިވްސް އިން ވިދާޅުވިއެވެ.
މި ނޯޓިސް އާއެކު އަހަރީ އާންމު ޖަލްސާ ބާއްވާނެ ތާރީޚާއި، ގަޑިއާއި، ތަން، އެޖެންޑާ އައިޓަމްތައް އަދި ވޯޓުލުމާ ގުޅޭ އިތުރު މަޢުލޫމާތުތައްވެސް އާންމުކުރެވޭނެ ކަމަށް އެކުންފުނިން ވިދާޅުވިއެވެ.
