ވައިގެމަގުން ގއ.ވިލިނގިއްޔަށް އެތެރެކުރަން އުޅުނު މަސްތުވާތަކެތި ގއ.ވިލިގިލީ ޕޮލިސް ސްޓޭޝަންގައި މަސައްކަތް ކުރަމުން އަންނަ ފުލުހުން ހޯދައިފިއެވެ.
މި މައްސަލާގައި އެއްވެސް މީހަކު ފުލުހުންގެ ބެލުމުގެދަށަށް ގެނެސްފައެއް ނުވެއެވެ.
ޕޮލިސް އިންޓެލިޖެންސަށް ލިބުނު މައުލޫމާތަކާ ގުޅިގެން ގއ.ވިލިގިލީ ޕޮލިސް ސްޓޭޝަންގައި މަސައްކަތް ކުރަމުން އަންނަ ފުލުހުން ހިންގި އޮޕަރޭޝަނެއްގައި، ވައިގެމަގުން ގއ.ވިލިނގިއްޔަށް އެތެރެކުރަން އުޅުނު މަސްތުވާތަކެތިކަމަށް ޝައްކުކުރެވޭ އެއްޗެއް ހުރި 03 ރަބަރު ޕެކެޓް ފުލުހުން ހޯދާފައިވެއެވެ.
މަސްތުވާތަކެތިކަމަށް ޝައްކުކުރެވޭ އެއްޗެއް ހުރި 03 ރަބަރު ޕެކެޓް ފެނިފައިވަނީ ވައިގެމަގުން ގއ.ކޫއްޑޫއަށް ގެނައީ ފޮށިގަނޑެއްގެ ތެރެއިންނެވެ.
މި މައްސަލަ ގއ.ވިލިގިލީ ޕޮލިސް ސްޓޭޝަންގެ ފަރާތުން ދަނީ އިތުރަށް ތަހުޤީޤް ކުރަމުންނެވެ.
