މޯލްޑިވްސް އިންލެންޑް ރެވެނިއު އޮތޯރިޓީ (މީރާ) ގެ ކަލެކްޝަން ސެންޓަރެއް ޅ. ނައިފަރުގައި މިއަދު ހުޅުވައިފިއެވެ.
މިސެންޓަރު ހުޅުވުމުން ނައިފަރާއި އެއަތޮޅުގެ އެހެން ރަށްރަށުގެ މީހުންނަށް މީރާގެ ޚިދުމަތް ގާތުން ލިބޭނެ މަގުވަނީ ފަހިވެފައެވެ.
މީރާގެ ކަލެކްޝަން ސެންޓަރު ޤާއިމް ކޮށްފައިވަނީ ޅ. އަތޮޅު ކައުންސިލް ހިންގާ ޢިމާރާތުގައެވެ. މީރާގެ މައި އޮފީހުން ދެމުން ގެންދާ ހުރިހާ ޚިދުމަތެއް އެތަނުން ލިބޭނެ ކަމަށް މިރާއިން ވަނީ ވިދާޅުވެފައެވެ.
ވިޔަފާރިތައް ރަޖިސްޓްރީ ކުރުމާއި، ޓެކްސް ބަޔާންތައް ބަލައިގަތުމާއި، ޓެކުހުގެ ފައިސާއާއި، މީރާއަށް ބަލައިގަންނަ އެހެނިހެންފައިސާ ބަލައިގަތުމުގެ އިތުރުން ޓެކުހާ ގުޅުންހުރި މަޢުލޫމާތު ބޭނުންވާ ފަރާތްތަކަށް އެ މަޢުލޫމާތު ފޯރުކޮށްދިނުމުގެ އިންތިޒާމް ވެސް އެތަނުގައި ވަނީ ހަމަޖެހިފައެވެ.
މިރާއިން މިހާރު ގެންދަވަނީ އެތަނުގެ ޚިދުމަތް ދިނުމަށް 14 އަތޮޅެއްގައި އޮފީސްތައް ޤާއިމް ކުރައްވައި ޚިދުމަތް ދެއްވަމުންނެވެ.
