- އަޅުންގެ މާކެޓް ރޭގަނޑު ހުޅުވުނީއެވެ. އިމާރާތުގެ ތިރީގައި ވަރަށް އަޑުގަދައެވެ. ހަނގުރާމަވެރީން ރަޖިސްޓްރީކޮށް ތަރުތީބު ވަނީ އެވެ. ފުރަތަމަ މީހާ ވަނުމާއެކު ކޮޓަރިތެރޭގައި ތިބި އަންހެން ކުދީން ބާރަށް ހަޅޭ ލަވަން ފެށިއެވެ. ހިވަނީ ހަނގުރާމައިގެ މައިދާނުގައި އެއްޗެއް ގޮވައިގެން އުޅޭ ހެންނެވެ. އަހަރުމެން ޒަޚާމް ވެފައިތިބޭ މީހުންތަކެއް ފަދައިން ބާރަށް ރޮމުން، ހަޅޭލަވަމުން ތަޅުން މައްޗަށް ހޮޑު ލަމުން ދިޔައިމެވެ. މިއިން އެއްވެސް ކަމަކުން ހަނގުރާމަވެރިން ފަހަތަކަށް ނުޖެހެއެވެ. އަހަރުމެންގެ ހަޅޭކާއި އާދޭސް ކުރުމަކަށް ފަރުވާލެއް ނުބަހައްޓައެވެ. ކޮޓަރިތެރެއަށް ވަދެ ފަހަރަކު މީހަކާ ދިމާއަށް ލޯ އަޅަމުން ދިޔައެވެ. އެންމެ ފުރަތަމަ ދަނީ އެންމެ ރީތި ކުދީންނާ ދިމާއަށެވެ. "ކަލޭގެ އުމުރު ކިހާވަރެއް؟" ސުވާލު ކުރަމުން އެކުދީންގެ އިސްތަށިގަނޑާއި އަނގައިގައި އަތްލައި ބަލައި ހަދައެވެ. އަދި ގާޑް ކައިރިން އަހައެވެ. "މިއީ ބިކުރުވެރިން ދޯ؟" ގާޑް ބޯ ޖަހާލުމަށް ފަހު ގައިމެއް ނޫންހޭ ބުނެއެވެ. ވިޔަފާރިވެރިއަކު އޭނާގެ މުދަލާ މެދު ފަޚުރުވެރިވާ ފަދައިންނެވެ. އެ ޔަގީންކަން ލިބުމުން ހަނގުރާމަވެރީން އަހަރުމެންގެ މޭމައްޗާއި ފަޔާއި އެކި ގުނަވަންތަކުގައި އަތް ލާން ފަށައެވެ. އަހަރުމެންނަކީ ޖަނަވާރުތަކެއް ހެން އެމީހުންނަށް ހީވެއެވެ.
ކޮޓަރި ތެރޭގައި އެމީހުން އަރަބިންނާއި ތުރްކުމަން ބަހުން ސުވާލު ކުރަމުން އެނބުރޭ ވަގުތަކީ ބިރުވެރި ވަގުތެކެވެ.
އެމީހުން އަހަރުމެންނާ ދިމާއަަށް "މައިތިރިވޭ"، "ހިމޭނުން ތިބޭ" ކިޔައި ހަޅޭއް ލަވައެވެ. އެމީހުންގެ އަމުރާ އެކު އަހަރުމެންގެ ހަޅޭކުގެ އަޑު ހައްތަހާ ވަނީ ގަދައެވެ. ހަނގުރާމަވެރިއަކު އަހަރެން ގެންގޮސްފާނެހެން ހީވާނަމަ އަހަރެން އޭނާއަށް އެހާ ފަސޭހައިން އަހަރެނެ ގެންދިޔަކަ ނުދެމެވެ. ބާރަށް ރޮމުން ހަޅޭ ލަވަމެވެ. އަދި އަހަރެންގެ ގަޔަށް އަތް ފޯރުވަން ފެށުމުން އަތުގައި ޖަހަމެވެ. އެހެން ކުދީންވެސް ކަންތައް ކުރަނީ މި ބީދައިންެނެވެ. ތަޅުންމަތީގައި ކުރުގެޅިގެން ތިބެ އެކުދީންގެ ދައްތަމެންނާ އެކުވެރީންގެ ގާތަށް ބޯޅައެއް ހެން އުކެމުން ސަލާޟަތަށް އެދެމުން ދިޔައެވެ.
އަހަރެން ތަޅުންމަތީގައި އެހެން އޮއްވައި ހަނގުރާމަވެރިއަކު އައިސް އަހަރުމެންގެ ކުރިމައްޗަށް ހުއްޓުނެވެ. އޭނާ އަކީ ސިފައިންގެ މަތީ އޮފިސަރެކެވެ. ނަމަކީ ސަލްވާން އެވެ. އޭނާ އައީ އެހެން އަންހެން ކުއްޖަކު ގޮވައިގެންނެެވެ. އެކުއްޖާ އަކީ ވެސް ހަރްދަންގެ ޔަޒީދީ ކުއްޖެކެވެ. އޭނާ ދަނީ އެކުއްޖާ ގެއަށް ލާށެވެ. އެކަމަކު މި ކޮޓަރިއަށް ވަނީ ވިޔަފާރި ކުރާށެވެ. އެކުއްޖާގެ ބަދަލުގައި އެހެން އަންހެން ކުއްޖަކު ހޯދާށެވެ. "ތެދުވޭ!" އޭނާ ބުންޏެވެ. އަހަރެން ނުތެދުވުމުން އަހަރެން ގައިގައި ފައިން ޖެހިއެވެ. "ކަލޭ! ފިޔާތޮށި ޖެކެޓު ލައިގެން އޮތް ކުއްޖާ! ތެދުވޭ!" އޭނާ ބުންޏެވެ.
އޭނާގެ ލޯ ވަނީ މޫނުގެ މަސްތަކުގެ ތެރެއަށް ގެނިބފައެވެ. މުޅި މޫނުވަނީ އިސްތަށިން ފޮރުވިފައެވެ. އެއީ އިންސާނަކާ ވައްތަރު މީހެއް ނޫނެވެ. އޭނާ ހީވަނީ ފުރޭތައެއް ހެންނެވެ.
އުތުރު އިރާގުގެ ސިންޖާރް އަށް ޙަމަލާދީ ޖިންސީ އަޅުނގެ ގޮތުގައި އަނހެން ކުދީން ނެގުމަކީ ދަހިވެތި ހަނގުރާމަވެރިއަކު، ހަނގުރާމައިގެ މައިދާޏުގައި ތިބެފައި ކުއްލިއަކަށް ނިންމާ ނިންމުމެއް ނޫނެވެ. އެއީ އިސްލާމިކް ސްޓޭޓުން ރާވައިގެން ކުރާ ކަމެކެވެ. އަހަރުމެންގެ ގެއަށް ވަންނާނެ ގޮތާއި، އަންެހެން ކުދީން އގުބޮޑުވަނީ ނުވަތަ ދަށް ވަނީ ކިހިނެއްކަމާއި، އަދި ކުރާ މަސައްކަތުގެ އަގު އަދާކުރުމަށް ޖިންސީ އަޅުން ޙައްޤުވަނީ ކޮން ހަނގުރާމަވެރިންނަކަށްތޯ، މިއީ ވިސްނުންތެރި ކަމާއެކު ދުރަލާ ރާވާފައިވާ ހުންނަ ކަންތަކެވެ.
އައިސިސް އިން އާ ރެކްރޫޓޫން ހޯދުމަށް ނެރޭ ޕްރޮޕެގެންޑާ ރަދީފު މަޖައްލާ، ދާބިގް ގައި ވެސް "ސަބާޔާ" (ޖިންސީ އަޅުން) މަޝްވަރާކޮށްފައިވެއެވެ. ނަމަވެސް އައިސިސް އަކީ އެ ޖަމިއްޔާގެ މެންބަރުން ހީކުރާ ފަދަ އިޚްލާޞްތެރި ބައެއް ނޫނެވެ. ތާރީޚަށް ބަލާއިރު ގަދަކަމުން ޖިންސީ ގުޅުން ހިންގުމަކީ ހަނގުރާމައިގެ ހަތިޔާރެކެވެ. ރުވާންޑާގެ އަންހެނުންނާ އަހަންނާ އެއްގޮތް އެއްވެސް ކަމެއް އޮވެދާނެ ކަމަކަށް އަހަރެންގެ ޚިޔާލަށް މީގެ ކުރީން ދުވަހަކުވެސް ނުގެނެވެއެވެ. ރުވާންޑާ އަކީ އޮންނަ ގައުމެއް ކަމެއްވެސް މިހުރިހާ ކަމެއް ވުމާ ހަމައަށް އަހަންނަކަށް ނޭނގެއެވެ. ނަމަވެސް މިއަދު އަހަރެން މިވަނީ އެންމެ ދެރަގޮތަކަށް އެމީހުންނާ ގުޅފިައެވެ. ހަނގުރާމައިގެ ތެރެެއިން ހިންގާ ޖަރީމާ ތަކުގެ ތެރެއިން އަނިޔާ ލިބުނު މީހަކަށް އަހަރެންވީ އެވެ. އަހަންނަށް ލިބުނު އަނިޔާގެ ވަހަކަ އަކީ ދައްކަން އެހަައި ފަސޭހަ ވާހަކައެއް ނޫނެވެ. އަދި މީގެ 16 އަހަރު ކުރީން އައިސިސް އިން ސިންޖާރަށް އަުއމުގެ ކުރީން މީހަކަށް ދައުވާކޮށްފައިވެސް ނުވެއެވެ.
ތިރީ ބުރީގައި ހަނުގުރާމަވެރިއަކު އަހަރުމެންގެ ނަމާއި އަހަރުމެން ގެންދާ ހަނގުރާމަވެރީންގެ ނަމާއި ވިޔަފާރީގެ ހުރިހާ މުއާމަލާތެއް ފޮތެއްގައި ނޯޓު ކުރަމުން ދިޔައެވެ. ސަލްވާން އަހަރެން ގެންގޮސފިނަމަ ވާނެ ގޮތަކާ މެދު އަހަަރެން ވިސްނާލީމެވެ. އެނާ އަކީ ފެންނަ ފެނުމަށް ވަރަށް ވަރުގަދަ މީހެކެވެ، އޭނާގެ އަތުން އަހަރެން ޗިސްޗިސް ކޮށްލާނެ ގޮތަކާ މެދު އަހަރެން ޚިޔާލުކޮށްލީމެވެ. އޭނާ އަހަންނަށް ކޮންމެ ކަމެއް ކުރިޔަސް، އަދި އަހަރެން ކިތަންމެ ވަރަކަށް ދެކޮޅު ހެދި ނަމަވެސް އޭނާގެ ކިބައިން އަހަންނަށް ސަލާމަތެއް ނުވެވޭނެއެވެ. އޭނާގެ ގައިން ދުވަނީ ކުނި ބިސް ވަހާއި ކޯލާވާޓަރު ވަހެވެ.
އަހަރެން އިނީ ތަޅުންމައްޗަށް ބަލަހައްޓައިގެންނެވެ. އަހަރެންގެ ކުރިމަތީން ދާ އަންހެން ކުދިންނާއި ހަނގުރާމަވެރީންގެ ފައިތިލަޔާއި އެމީހުންގެ ފައިގެ ކުޑަ ހުޅަށް ބަލާށެވެ. އެބައިގަނޑު ތެރެއިން އަހަންނަށް ވަރަށް ހިކި މީހެއްގެ ފައިގެ ކުޑަހުޅު ފެނިއްޖެއެވެ. ބަލާކަށް ނުހުރެ އެމީހާގެ ފައި ދަށަށް ވެއްޓި އާދޭސް ކުރަން ފެށީމެވެ. "ހެޔޮނުވާނެ! އަހަރެން ކަލެއާ އެކު ގެންދޭ"، އަހަރެން ބުނީމެވެ. "ކަލޭ ބޭނުން ކަމެއް އަހަންނަށް ކުރޭ. މިހިރަ ހަންޑިއާ އެކު އަހަންނަކަށް ނުދެވޭނެ"، އޭނާ އެހާ ފަސޭހައިން އެއްބަސްވީ ކީއްވެގެން ކަމެއް އަހަންނަކަށް ނޭނގެއެވެ. ސަލްވާން އާ ދިމާއަށް އެނބުރިލާފަ އޭނާ ބުންޏެވެ. "މި އަންހެން ކުއްޖާ މަށަށް". ސަލްވަން ދެކޮޅެއް ނަހަދައެވެ. އެ އަނަރޫފަ މީހާ އަކީ މޫސަލްގެ ފަނޑިޔާރެކެވެ. އެއްވެސް މީހަކު އޭނާއަށް ނުކިޔަމަންތެރި ނުވާނެއެވެ. އަހަރެން އެ ހިކި އަނަރޫފަ މީހާ ފަހަތުން ޑެސްކް ކައިރިއަށް ދިޔައިމެވެ. "ކަލޭގެ ނަމަކީ ކޮބާ؟"، އޭނާ އެހިއެވެ. އޭނާ ވާހަކަ ދެއްކީ ވަރަށ މަޑުމަޑުން އެކަމަކު ވަރަށް ހިތްނުބައި އަޑަކުންނެވެ. "ނާދިޔާ"، އަހަރެން ނަން ބުނުމުން އޭނާ ރެޖިސްޓްރާ އާ ދިމާއަށް އެނބުރުނެވެ. އެމީހާ އަށް ވަގުތުން އެއީ ކާކުކަން އެނގުނެވެ. އަވަހަށް ފޮތުގައި އަހަރުމެންގެ މައުލޫމާތު ލިޔުނެވެ. ނަން ނޯޓުކުރަމުން ދިޔައިރު ރެޖިސްޓްރާ އަހަރުމެންގެ ނަން ކިޔެެވެ. "ނާދިޔާ، ހާޖީ ސަލްމާން"، ރަޖިސްޓްރާ އަހަރުމެންގެ ނަނަ ކީ އިރު ބިރުން އޭނާގެ އަޑު ތުރުތުރު އަޅާހެން އަހަންނަށް ހީވިއެވެ. އެއާއެކު އަހަންނަށް މިކުރެވުޏި ބޮޑު ކުށެއްތޯ ވިސްނާލެވުނެވެ.
ނާދިޔާ އައިސިސް ހަނގުރާމަވެރީންގެ ކިބައިން ސަލާމަތްވިއެވެ. އޭނާ އިރާގުން ބޭރަށް ސްމްގްލް ކުރިއެވެ. އަދި 2015ވަނަ އަހަރުގެ ކުރީކޮޅު ޖަރުމަނުގެ ރެފިއުޖީ ކޭމޕަކަށް ދިޔައެވެ. އެ އަހރުގެ ފަހުކޮޅު ހިއުމަން ޓރެފިކިން އާ ދެކޮޅަށް މީހުން ހޭލުންތެރިކުރުމުގެ މަސައްކަތް ފެށިއެވެ.
ކޮޝޯގައި ހުންނަ އަހަރެންގެ ގެއަށް އައިސިސް މީހުން ދިޔަތާ 1 އަހަރާއި 3 މަސް ފަހުން އަހަރެން ސްްވިޒަރލޭންޑަށް ދާން ޖަރުމްނުން ފުރީިމެވެ. މައިނޯރިޓީ މީހުންނަށް ކުރިމަތިވާ މައްސަލަ ތަކާއި ބެހޭ ގޮތުން އ.ދ. ގެ ކޮންފަރެންސެއްގައި ވާހަކަ ދައްކާށެވެ. އެއީ ބޮޑު އޯޑިއެންސެއްގެ ކުރިމަތީގައި އަހަރެންގެ ވާހަކަ ކިޔައިދިން ފުރަތަމަ ފަހަރެވެ. އަހަރެން ހުރިހާ ވަހަކައެއް ދައްކަން ބޭނުންވިއެވެ. އައިސިސް އަށް ފިލަން ދިއުމުން ބޯފެން ނުލިބި މަރުވި ކުދީންގެ ވާހަކައެވެ. އަދިވެސް ފަރުބަދަ ތަކުގައި އާދެވޭން ގޮތެއް ނެތި ތިބި އާއިލާ ތަކުގެ ވާހަކައެވެ. އައިސިސްގެ އަތްދަށުވެފައިތިބި އެތައް ހާސް އަންހެނުންނާއި ކުދީންގެ ވާހަކައެވެ. އަނިޔާވެރިކޮށް އެތައް ބަޔަކު މަރަމުން ދިޔަ މަިއދާނުގައި އަހަރެންގެ ބޭބެ މެންނަށް ފެނުނު މަންޒަރެވެ. އަހަންނަކީ އަނިޔާ ލިބެމުންދިޔަ އެތައް ހާސް ޔަޒީދީ އަންހެނުންގެ ތެރެއިން އެންމެ މީހެކެވެ. އަހަރެން ނިސްބަތްވާ ޖަމާޢަތް އެކި ދިމަދިމާއަށް ފެތުރުނެވެ. ރެފިއުޖީންގެ ގޮތުގައި އިރާގާއި އިރާގުން ބޭރުގައެވެ. އޭރުވެސް ކޯޝޯ އޮތީ އައިސިސް އިން ހިސާރު ކޮށްފައެވެ. ޔަޒީދީން ތަހައްމަލު ކުރަމންދިޔަ ކަންތަކުގެ ވާހަކަ އަޑުއަހަން ދުނިޔެއަށް ޖެހޭނެއެވެ.
އަހަރެން ދުނިޔެއަށް ދޭން ބޭނުންވީ މެސެޖަކީ އެމީހުން ކުރަންޖެހޭ ވަރަށް ގިނަ މަސައްކަތް އޮތް ވާހަކައެވެ. އައިސިސް އަށް ދައުވާ އުފުލުމަށް އިރާގުގައި ދިރިއުޅޭ ދީނީ މައިނޯރިޓީ މީހުންނަށް ރައްކާތެރި ޒޯނެއް ބޭނުންވެއެވެ. އައިސިސގެ ޖަރީމާތަކަށް ހިތްވަރު ދިން ލީޑަރުން އިން ފެށިގެން ރައްޔިތުންނާ ހަމައަށެވެ. ސިންޖާރް މިނިވަން ކުރުމަށް އިންސާނިއްޔަތާއި ޚިލާފަށް އެތަނުގައި ހިންގާ ކުށްތަކަށް ހިތްވަރު ދިން މީހުންނާ ދެކޮޅަށް ދައުވަ އުފުލަން ޖެހެއެވެ. ހާޖީ ސަލްމާންގެ ވާހަކަ އާއި އޭނާ އަހަރެން ގަދަ ކަމުން ރޭޕް ކުރި އެތައް ފަހަރެއްގެ ވާހަކަ އާއި އަހަރެންގެ ލޮލަށް ފެނުނު އަނިޔާގެ ވާހަކަ އޯޑިއަންސަށް ކިޔައިދޭން ވާނެއެވެ. މިހުރިހާ ކަމެއްގެ ތެރެއިން އަހަރެން ނިންމި އެންމެ އުނދަގޫ ނިންމުމަކީ ތެދަށް ހުރިހާ ވާހަކައެއް ކިޔައިދިނުމެވެ. އެއީ އަހަރެން ނިންމި އެންމެ މުހިއްމު ނިންމުމެވެ.
އަހަރެންގެ ސްޕީޗް ކިޔަމުން ދިޔައިރު އަހަރެން ތުރުތުރު އެޅިއެވެ. އެެހެންނަމަވެސް މަޑުމައިތިރި ކަމާއެކު ވާހަކަ ދައްކަމުން ދިޔައިމެވެ. ކޯޝީ އައިސިސްގެ އަތް ދަށަށް ދިޔަ ގޮތުގެ ވާހަކަ އާއި ޖިންސީ އަޅުންގެ ގޮތުގައި އަހަރެން ފަދަ އަންހެން ކުދީން ގެންދާ ވާހަކަ އަހަރެން އެމީހުންނަށް ކިޔައިދިނީމެވެ. ތަކުރާރުކޮށް އެތައް ފަހަރަކު އަހަރެން ރޭޕްކޮށް ތަޅައި އަނިޔާ ކުރި ވާހަކަ އާއި އަހަރެން ސަލާމަތްވީ ކިހިނެއްކަން އަހަރެން އޯޑިއަންސަށް ކިޔައިދިނީމެވެ. އަދި މަރާލާފައިވާ އަހަރެންގެ ކޮއްކޮމެންގެ ވާހަކަ ވެސް ދެއްކީމެވެ. އެވާހަކަ ދައްކާ ކޮންމެ ފަހަރަކީ އެ އަނިޔާ އިހުސާސް ކުރެވޭ ފަހަރެކެވެ. އަހަރެން ރޭޕް ކުރި ޗެކްޕޮއިންޓުގެ ވާހަކަ، ހާޖީ ސަލްމާންް އަހަރެން ގައިގަ ތެޅުމުން ކުރެވުނު އިހުސާސާއި، ރޭގަނޑު އަވަށްޓެރިއެއްގެ ހިލަމެއް ވޭތޯ މޫސަލް ހޯދަމުން ދިޔައިރު ކުރެވުނު އިހުސާސްތައް ކިޔައިދޭ ކޮންމެ ފަހަރަކު އެބިރުވެރި ނާމާން ދުވަސްވަރުގެ ހަނދާންތައް އާވެއެވެ. ހުރިހާ ޔަޒީދީން އުޅެނީ އެއް ހާލެއްގައެވެ.
ތެދުވެރިކަމާއެކު އަހަރެންގެ ވާހަކަ ކިޔައިދިނުމަކީ ޓެރަރިޒަމް އާ ދެކޮޅަށް އަހަންނަށް ލިބުނު އެންމެ ވަރުގަދަ ހަތިޔާރެެވެ. ހުރިހާ ޓެރަރިސްޓުންނަށް ދައުވާ އުފުަލަން ދެން އަހަރެން އެހަތިޔާރުގެ ބޭނުން ކުރާނަމެވެ. ޓެރަރިޒަމް ހުއްޓުވުމަށް އަދިވެސް ވަރަށް ގިނަ މަސައްކަތް ކުރަންޖެހެއެވެ. ގައުމުތަކުގެ އިސްވެރީން، ޚާއްޞަކޮށް މުސްލިމް ލީޑަރުން އަނިޔާ ލިބެމުންދާ މީހުންގެ ހިމާޔަތުގައި ތެދުވާން ޖެހެއެވެ.
އަހަރެންގެ ވާހަކަ އޯޑިއަންސަށް ކިޔައިދީ ނިމުމުންވެސް އަހަރެން ވާހަކަ ކުރިއަށް ގެންދިޔައިމެވެ. އައިިސިސް އާ ދެކޮޅަށް ޝަރީއަތް ހިންގުމަކީ ހުރިހާ ޔަޒީދީންގެ އެދުމެއް ކަމުގައި ބުނީމެވެ. އަދި ދުނިޔޭގެ އެކި ކަންކޮޅުތަކުގައި ތިބި އަނިޔާ ލިބެމުންދާ މީހުންގެ ރައްކާތެރި ކުރުމަކީ އެމީހުންނަށް ލިބިފައިވާ ބާރެއް ކަމަށް ބުނީމެވެ، އަހަރެން ރޭޕް ކުރި މީހުން އިންސާފުގެ ކުރިމައްޗަށް ގެންނަ ތަން ދެކެން ބޭނުނވާ ވާހަކަ ބުނީމެވެ. އަދި އެހެން ހުރިހާ ކަމަކަށް ވުރެ ބޮޑަށް އަހަންނަޚި މިފަދަ ހިތި ތަޖުރިބާ ކުރި އެންމެ ފަހު ކުއްޖާ އަށް ވުމަކީ އަހަރެންގެ އުއްމީދު ކަމުގައި ބުނީމެވެ.
- އުމުރުން 25 އަަހަރުގެ ނާދިޔާ މުރާދް އަކީ އައިސިސް އިން 2014ވަަނަ އަހަރުގެ އޯގަސްޓް މަހު އުތުރު އިރާގުގެ ސިންޖަރް ގައި އޮންނަ ކޯޝޯ އިން ވަގަށް ނަގާފައިވާ ކުއްޖެކެވެ. އޭނާ ވަގަށް ނަގާފައިވަނީ އޭނާާގެ އަންހެން ކޮއްކޮ މެންނާއެކު އެވެ. އެ ހާދިސާގައި އޭނާ މަންމަ އާއި 6 ފިރިހެން ކޮއްކޮ އައިސިސް އިން ވަނި މަރާލާފައެވެ. ނާދިޔާ އަށް ވަނީ އަންހެނުންގެ ޑޮކްޓަރު ޑެނިސް މުކްވެޖޭ އާއެކު މިއަރުގެ ނޯބަލް ޕީސް ޕްރައިސް ލިބިފައެވެ. މިއީ އޭނާގެ އޮޓޯބަޔޮގްރަފީ، 'ދަ ލާސްޓް ގަރލް: މައި ސްޓޯރީ އޮފް ކެޕްޓިވިޓީ އެންޑް މައި ފައިޓް އެގެއިންސްޓް ދި އިސްލާމިކް ސްޓޭޓް" އިން ނަކަލުކޮށް ދަ ގާޑިއަންގައި އޮކްޓޯބަރު މަހުގެ 6ވަނަ ދުވަހު ޝާއިއުކޮށްފައިވާ ލިޔުމެއްގެ ތަރުޖަމާ އެކެވެ.
ބައެއް މީހުންނަށް މި މީހުންގެ ނަން އަަރބި ވީމަ ހީވެދާނެ މުސްލިމުންނޭ... ޔަޒީދީންނަކީ މުސްލިމުންނެއްނޫން.. ކްރިސްޓިއަން ފަދަ ދީނެއްގެ އަހުލުވެރިންތަކެއް. އެކަމަކު ކަލަކު ވާކަމަށް އެމީހުން ގަބޫލު ކުރޭ...
މިހާ ތަފްސީލްކޮށް ލިޔެފައިވާ އީރާޤާއި އަފްޣާނިސްތާން އަދި ސޫރިޔާގެ މުސްލިމް އަންހެން ދަރީންގެ އިއްފަތުގެ ވާހަކަވެސް ހޯދާފަ ލިޔެލަދެއްވާ....,؟