އެމެރިކާއިން ދިން ވައިގެ ހަމަލާއެއްގައި އަފްގާނިސްތާން ތާލިބާނު ޖަމާއަތުގެ ލީޑަރު މުއްލާ އަހްތަރު މަންސޫރު މަރާލައިފި ކަމަށް އެމެރިކާއިން ބުނާބުނުން ޠާލިބާނުން ދޮގުކޮށްފިއެވެ.
އެޖަމާޢަތުގެ އަފުޣާނިސްތާނުގޮފިން އެމެރިކާގެ ބަސްދޮގުކޮށްފައިވާއިރު، އެމެރިކާއިން ހާމަކޮށްފައިވަނީ މުއްލާ އަހްތަރާއި އޭނާއެކު ހުރި އިތުރު މީހަކު އަފްގާނާއި ޕާކިސްތާނާ ގުޅޭ ބޯޑަރު ކައިރިން މަރާލާފައިވާނެކަމަށެވެ. އެމީހުން މަރާލީ އެމީހުން ދަތުރު ކުރަމުންދިޔަ ވެހިކަލަށް އަމާޒުކޮށްގެން އެމެރިކާއިން ދިން ޑްރޯން (ޕައިލެޓަކާނުލައި އުދުހޭ މަތިންދާބޯޓު) ހަމަލާއެއްގައި ކަމަށް އެމެރިކާގެ އޮފިޝަލުންނާ ޙަވާލާދީ މިޑިއާރިޕޯޓުތައް ބުނެއެވެ.
މުއްލާ އަހްތަރަށް އަމާޒުކޮށްގެން ހަމަލާ ދިން ކަން ޕެންޓަގަން އިން ވެސް ވަނީ ކަށަވަރު ކޮށްދީފަ އެވެ.
2013 ވަނަ އަހަރު އެމެރިކާއިންދިން ޙަމަލާއެއްގައި ތާލިބާނުންގެ ކުރީގެ ލީޑަރު މުއްލާ ޢުމަރު މަރާލި ފަހުން އެ ޖަމާއަތަށް ލީޑަރަކަށް މުއްލާ އަހްތަރު އައްޔަން ކޮށްފައިވަނީ މިދިޔަ އަހަރުގެ ޖުލައި މަހު އެވެ.
