ރެޑްވޭވްގެ އިތުރު ފިހާރައެއް ހުޅުމާލޭގައި ރޭ ހުޅުވައިފިއެވެ.
"ރެޑްވޭވް މެގަމޯލް" ގެ ނަމުގައި ރޭ ހުޅުމާލޭގައި ހުޅުވި ރެޑްވޭވްގެ މި ފިހާރައަކީ ހުޅުމާލޭގައި ހުޅުވި ދެވަނަ ފިހާރައެވެ. ނަމަވެސް ކުރިން ހުޅުވާފައިވާ ރެޑްވޭވްގެ ފިހާރައަށްވުރެ ރޭ ހުޅުވި ފިހާރަ ބޮޑެވެ. ރޭ ހުޅުމާލޭގައި ހުޅުވި ރެޑްވޭވް މެގަމޯލްއަކީ ތިންބުރީގެ ފިހާރައެކެވެ. މި ފިހާރައިގެ މަތީ ބުރިތަކަށް އެރުމަށް ވަނީ އިލެކްޓްރޯނިކް ސިޑި ލާފައެވެ.
ރޭ ރެޑްވޭވް މެގަމޯލް ހުޅުވުމާއެކުވެސް ވަރަށްގިނަ ބަޔަކު ވަނީ އެތަނަށް ގޮސް ވިޔަފާރި ކޮށްފައެވެ. ހުޅުމާލޭގައި ރެޑްވޭވްގެ ދެވަނަ ފިހާރަ ހުޅުވިގެން ދިޔައިރު އެ ކުންފުނީގެ ވަރަށްގިނަ ފިހާރަ މާލޭގެ އެކި ސަރަހައްދު ތަކުގައި މިހާރު ހުރެއެވެ.
އާންމުންގެ ތެރޭގައި ރެޑްވޭވްގެ ފިހާރަތައް މަޝްހޫރުވެ މަގްބޫލު ވެފައި އޮންނަނީ ގިނަ ފިހާރަތަކަށްވުރެ ތަކެތީގެ އަގު ހެޔޮ އަދި އެއްތަނަކުން ގިނަ ވައްތަރުގެ މުދާ ލިބޭތީއެވެ.
