ސައުތު އޭޝިޔާގެ ގައުމުތަކުގެ ތެރެއިން އެންމެބޮޑަށް ކުރިއަރަމުން އަންނީ ރާއްޖޭގެ އިގްތިސާދު ކަމަށް އިކޮނޮމިކް ޑިވެލޮޕްމެންޓް މިނިސްޓަރ މުހައްމަދު ސައީދު މިރޭ ވިދާޅުވެއްޖެއެވެ.
ޕޯޓުހިޔާ ހައުސިން ސްކީމް އިފްތިތާހު ކުރެއްވުމަށް އުތުރު ހާބަރުގައި ބޭއްވި ރަސްމިއްޔާތުގައި ވާހަކަ ދައްކަވަމުން މިނިސްޓަރ ވިދާޅުވީ އެމްޕީއެލްއާއި، އެސްޓީއޯއާއި، އެމްޓީސީސީ ފަދަ ސަރުކާރުގެ ބޮޑެތި ކުންފުނިތަކުން މިހާރު ގެންދަނީ މީގެކުރިން ހޯދައިފައިނުވާ ވަރުގެ އިގްތިސާދީ ފައިދާ ހޯދައިފައި ކަމަށެވެ.
"މިއަދު ސައުތު އޭޝިއާގެ އެންމެ ކުރިއަރަމުން އަންނަ އިކޮނޮމީއަކީ ކޮބައިތޯ އަމިއްލައަށް އަޅުގަނޑުމެން ދިރާސާއެއް ކޮށްލައިފިނަމަ އެފަޚުރުވެސް އޮތީ ދިވެހިރާއްޖެއަށް. ސައުތު އޭޝިޔާގައި އެންމެ ކުރިއަރަމުން އަންނަ އިގްތިސާދަކީ ދިވެހިރާއްޖެ،" މިނިސްޓަރ ވިދާޅުވިއެވެ.
ދިވެހިންގެ ދިރިއުޅުން ކޮޅަށްޖަހައި އިގުތިސާދީ ގޮތުން ފުދުންތެރި ބަޔަކަށް ހެދުމަށް ރާއްޖޭގައި ވަސީލަތްތައް މަދުކަމުގެ ވާހަކައަކީ ޒަމާނުއްސުރެން އިވެމުންދިޔަ އަޑެއް ކަމަށް މިނިސްޓަރ ވިދާޅުވިއެވެ. އެހެންވެ އެގޮތަށް ތިބެންވީ ކަމުގެ ސަގާފަތް އެގޮތުގައި ވަރަށް ޒަމާން ވަންދެން ކުރިއަށް ދިޔަ ކަމަށް ވެސް މިނިސްޓަރ ވިދާޅުވިއެވެ.
ރާއްޖޭގައި ބޮލަކަށްޖެހޭ މިންވަރު 200 ޑޮލަރުން 4000 ޑޮލަރަށް އިތުރު ކުރުމަށް ސާޅީހަކަށް އަހަރު ހޭދަވި ކަމަށް ވެސް އެމަނިކުފާނު ވިދާޅުވިއެވެ. އެހެންނަމަވެސް ރައީސް ޔާމީންގެ ވެރިކަމަށް ވަޑައިގެން އެންމެ ހަތަރުއަހަރާއިބައިގެ ތެރޭގައި ވަނީ އެއަދަދު 4000 އެމެރިކާ ޑޮލަރުން 10،200 އެމެރިކާ ޑޮލަރަށް އިތުރު ކޮށްފައި ކަމަށް ވެސް މިނިސްޓަރ ވިދާޅުވިއެވެ.
ރާއްޖޭގެ ޕޯޓަށް ބަލާއިރު ވެސް އެތެރެކުރާ މުދަލާއި ބޭރުކުރާ މުދަލުގެ ނިސްބަތް ވެސް މިހާރުވަނީ އެތައް ގުނައެއް އިތުރުވެފައި ކަމަށް މިނިސްޓަރ ވިދާޅުވިއެވެ. އަދި ބައިނަލްއަގުވާމީ ވައިގެ ބަނދަރަށް ޖައްސާ މަތިންދާ ބޯޓުގެ އަދަދުވެސް އެތައް ގުނައަކަށް އިތުރުވެގެން ގޮސްފައިވާ ކަމަށްވެސް ވިދާޅުވިއެވެ. ފާއިތުވި ހަތަރުއަހަރާއި ބައިގެ ތެރޭގައި ކޮންސްޓްރަކްޝަން އިންޑަސްޓްރީ ވެސް ވަނީ ވަރަށް ބޮޑަށް ކުރިއަރައިފައި ކަމަށްވެސް މިނިސްޓަރ ވިދާޅުވިއެވެ. އެމުއްދަތުގައި އެދާއިރާއަށް ވަނީ ޖައްސަޖައްސައިގެން ކޮންމެ އަހަރަކު 50 އިންސައްތައިގެ ކުރިއެރުމެއް ލިބިފައި ކަމަށްވެސް ވިދާޅުވިއެވެ. އައިލެންޑްއޭވިއޭޝަން ވެސް މިހާރުވަނީ އަމިއްލަ ފައިމައްޗަށް ތެދުވެ ބޭރުގެ ގައުމުތަކަށް އުދުހެން ފަށައިފައި ކަމަށް އެމަނިކުފާނުވިދާޅުވިއެވ
