ހަނދުކޭތަ ހިފަނީ ހަމައެކަނި ގުދުރަތީ ސަބަބުތަކާ ހެދިނޫން ކަމަށާއި މީސްތަކުންގެ ކުށް ފާފަތަކާއި އުރެދުންތައް ގިނަވުމުގެ ސަބަބުންވެސް ކޭތަ ހިފާ ކަމަށް މިރޭ ކުރި ކޭތަނަމާދުގެ ޚުތުބާގައި ވިދާޅުވެއްޖެއެވެ.
"ކޭތަހިފަނީ ހަމައެކަނި ހުދުރަތީ ސަބަބުތަކާ ހެދިއެއްނޫނެވެ. މީގެ އިތުރަށް ކޭތަ ހިފަނީ މީސްތަކުންގެ ކުށްފާފަތަކާއި އުރެދުންތައް ގިނަވުމުގެ ސަބަބުންނެވެ. އާޚިރަތާމެދު ފަރުވާ ކުޑަކޮށް ދުންޔަވީ އަރާމުތަކުގެ ތެރެއަށް ގެނބި ހެއްލެނިވުމުގެ ސަބަބުންނެވެ." މިރޭގެ ޚުތުބާގައި ވިދާޅުވިއެވެ. މިއީ ކީރިތި ރަސޫލާގެ ހާދީސްތަކުން ސާބިތުވެފައިވާ ކަންކަން ކަމަށްވެސް ޚުތުބާގައި ވިދާޅުވިއެވެ. ކައުނު ފަސާދަވެ ދުނިޔެ ޚަރާބު ވެގެންދާނީވެސް ތަފާތު ކުށްތައް ގިނަގުނަވުމުގެ ސަބަބުން ކަމަށް ޚުތުބާގައި ވަނީ ވިދާޅުވެފައެވެ.
އެހެންކަމުން އަބަދުވެސް ﷲ ތަގުވާވެރިވެ އެކަލާނގެއަށް ކިޔަމަންތެރިކަން އަދާ ކުރެއްވުމަށް ޚުތަބާއި ވަނީ ހަދާން ކޮށްދެއްވައިފައެވެ. މާތްﷲ އަކީ ތަގުވާވެރިންނަށް އާމަން ކަން ދެއްވައި ބާއްޖަވެރިން ކުރުވާ އިލާހު ކަމަށް ވެސް ވިދާޅުވެއެވެ.
