އިންތިޚާބުގައި ވާދަނުކުރައްވާ ގޮތަށް ރައީސް ނަޝީދު ނިންމެވި ނިންމެވުން ބަލައިގަތުމަކީ އެމްޑީޕީގެ އާންމު މެމްނަރުންނަށް ވަރަށް ދަތި އުދަގޫ ކަމަކަށް ވަނީ ވެފައި ކަމަށް ހިތަދޫ ދެކުނު ދާއިރާގެ މަޖިލިސް މެންބަރު އަލީ ނިޒާރު ވިދާޅުވެއްޖެއެވެ.
ނިޒާރު ވިދާޅުވީ ރައީސް ނަޝީދު ރިޔާސީ އިންތިޚާބުގައި ވާދަނުކުރައްވާގޮތަށް ނިންމެވި ނިންމެވުމަކީ ގުޅިފައިވާ ޕާޓީތަކަށް އެއްކެންޑިޑޭޓަކު ނެރުމަށް ލިބިގެންދިޔަ ފުރުސަތެއް ކަމަށެވެ. "ރައީސް ނަޝީދު އިންތިޚާބުގައި ވާދަ ނުކުރައްވަން ނިންމެވުމުން އާންމު މެންބަރުންނަށް ވަރަށް އުދަގޫ ކަމަކަށް އެކަންވީ ބަލައިގަންނަން،" ނިޒާރު ވިދާޅުވިއެވެ.
ނިޒާރު ވިދާޅުވީ ގުޅިފައިވާ ޕާޓީތަކުން ދެންވެސް ނެރޭ ކެންޑިޑޭޓަކަށް ވާނީ އެމްޑީޕީ މީހެއް ކަމަށެވެ. ރަނިން މޭޓުނެގުމަށް މަޝްވަރާ ކުރެވިފައިވަނީ އެހެން ޕާޓީތަކުގެ ތެރެއިން ކަމަށް ވެސް އޭނާ ވިދާޅުވިއެވެ.
