މިއަހަރު ގިނަބަޔަކު އިންތިޒާރު ކުރާ ކަމަށް ބެލެވޭ ފިލްމް "ޒީރޯ" ގެ ބައެއް މަންޒަރުތަަކަށް ޝާހު ރުކް ޚާން އާއި އަނުޝްކާ ޝަރްމާ ޖައްވީ ދިރާސާކުރާ މަރުކަޒު، ނާސާގައި ޝޫޓް ކުރާނެއެވެ. ޝާހް ރުކްއާއި އަނުޝްކާ 45 ދުވަހު އެމރިކާގައި ޝޫޓް ކުރާއިރު ނާސާގެ މަންޒަރުތައް ނަގައި ނިންމާނެއެވެ.
ޝާހު ރުކް ޚާން ވަނީ މީގެ 20 އަހަރު ކުރީންވެސް ނާސާގައި ފިލްމެއްގެ މަންޒަރުތަކެއް ނަގައިފައެވެ. އެ ފިލްމަކީ "ސްވާދޭސް" އެވެ.
"ޒީރޯ" ގައި އަނުޝްކާ ކުޅެނީ ފޭލިވެފައިވާ ސައިންޓިސްޓަކު އެކަމުން އަރައިގަންނަން ކުރާ މަސައްކަތެވެ. ޝާހްރުކް ކުޅެނީ އިސްކޮޅުން ކުރު މީހެއްގެ ރޯލެވެ. އޭނާގެ ހިތުގައި ކަޓްރީނާ އަށް ޚާއްޞަ ލޯތްބެއް އުފެދެއެވެ. "ޒީރޯ" އަކީ އާނަންދް ރާއީ ޑައިރެކްތް ކުރާ ލޯބީގެ ޑްރާމާ އެކެވެ. ލިޔެފައިވަނީ ހިމަންޝޫ ޝަރްމާ އެވެ. ޝެޑިއުލް އާ އެއްގޮތަށް ދާނަމަ ސިނަމާތަކަށް ފިލްމު އންނާނީ މިއަހަރުގެ ޑިސެންބަރު މަހުގެ 21 ވަނަ ދުވަހުއެވެ. އަނުޝްކާ އާއި ޝާހް ރުކް ގެ އިތުރުން ކަޓްރީނާ ކައިފް ވެސް މި ފިލްމުގައި މަސައްކަތް ކުރެއެވެ.
