އެކަށީގެންވާ މުއްދަތަކަށް މާލޭ ސިޓީގެ މޭޔަރު ޝިފާ މުހައްމަދު ބަންދު ކޮށްދެއްވުމަށް ޕީޕީއެމްގެ ޕާލިމެންޓްރީގް ރޫޕުގެ ލީޑާރު އަހުމަދު ނިހާން ހޯމްމިނިސްޓަރަށާއި އެލްޖީއޭއަށް ގޮވައިލައްވައިފިއެވެ.
މިއަދުގެ އެއްވުމަށް މީހުން ނައުމަށް ސަލާމަތީ ޚިދުމަތްތަކުންނާއި ވެރިކަން ހިންގާ ކޯލިޝަންގެ މައިޕާޓީ ޕީޕީއެމުން ގޮވާލާފައިވަނިކޮށް އެއަޑު ނޭހުމަށް މާލޭ ސިޓީގެ މޭޔަރު ޝިފާ މުހައްމަދު ވަނީ ޓްވީޓު ކުރައްވައި އެކަން ޕްރޮމޯޓު ކުރެއްވުމަށް މަސައްކަތް ކުރައްވާފައި ކަމަށް ނިހާން ވިދަޅުވިއެވެ.
"މިދަނޑިވަޅުގައިވެސް މާލޭ ސިޓީގެ މޭޔަރު ޝިފާ އިއްޔެއިން ފެށިގެން އަޅުގަނޑުމެންގެ މިގޮވާލުން އަޑުނާހަން ގޮވާލުމާއި އަދި މިހާރުވެސް މާލޭގައި މުޒާހަރާކުރުމަށް ނުވަތަ އެނުބައި ރޭވުމުގައިތިބި ފަރާތްތައް ޕްރޮމޯޓު ކުރުމަށްޓަކައި ކުރާމަސައްކަތް އެއީ އިލެކްޓެޑް މަގާމެއްގައި ހުރިމީހަކު ކޮށްގެންވާނެ ކަމެއްނޫން ކަމަށް އަޅުގަނޑަށް ފެންނާތީ އެވާހަކަ ދަންނަވާލީ. އަދި އާންމުކޮށް ކައުންސިލް ތަކުގެ ބެލެނިވެރި ފަރާތަކީ ލޯކަލް ގަވަރުމެންޓް އޮތޯރިޓީ ކަމުގައިވާތީ ރާއްޖޭގެ ހޯމިނިސްޓަރާއި އެކޮމިޓީގައި ހިމެނި ވަޑައިގަންނަވާ އެންމެހާ މެންބަރުންނަށް ދަންނަވާލަން ރަނގަޅު މުއްދަތަކަށް ޝިފާ ބަންދުކޮށްދެއްވާށޭ،" ނިހާން ވިދާޅުވިއެވެ.
ނިހާން ވިދާޅުވީ މާލޭ ސިޓީގެ މޭޔަރަކަށް ހުންނަވާ ބޭފުޅެއްގެ ޒިންމާއަކީ މާލެ ހަލަބޮލި ކުރުމަށްއުޅޭ ބަޔަކު ޕްރޮމޯޓު ކުރުމެއްނޫން ކަމަށެވެ. އެހެންނަމަވެސް ޓްވިޓަރފަދަ ވަސީލަތްތައް މެދުވެރިކޮށް ޝފާ ގެންދަވަނީ އެކަން ކުރައްވަމުން ކަމަށް ނިހާން ވިދާޅުވިއެވެ.
ނިހާން ވިދާޅުވީ ރައްޔިތުން އިންތިޚާބު ކޮށްފައިވާ މަގާމެއްގައި ހުންނަވާ އެއްވެސް ބޭފުޅަކު އެއްވެސް ވިޔާނުދާ ކަމަކަށް ގޮވާލައްވައިގެން ނުވާނެ ކަމަށެވެ.
އޭނާ ވިދާޅުވީ ހަތިޔާރާއެކު ރާއްޖެއަށް ސިފައިން އައުމަށްވެސް ބޭރުގެ ފަރާތްތަކަށް ބައެއް މީހުން ގޮވާލަމުންދާ ކަމަށެވެ. އެހެންނަމަވެސް އެކަން އެގޮތަށް ނުވާނެ ކަމަށް ވިދާޅުވިއެވެ.
"ބޭރު ބަޔަކު ހަތިޔާރާއެކު ރާއްޖެ އައުމަށް ބަޔަކު މީހުން ކިތަންމެ ވަރަކަށް ގޮވަމުން ދިޔަނަމަވެސް ﷲ އިރާދަ ކުރެއްވިއްޔާ މިފަސްގަނޑުގައި އަޅުގަނޑުމެންނަށް ރަހުމަތެއް ކަމަށްވާ އިސްލާމްދީނުގެ މަތިވެރި މިދަންމަރާއެކު އަޅުގަނޑުމެން ދުޢާއަށް އަތްއުފުލަ އުފުލާ ތިއްބާ ﷲ އިރާދަ ކުރެއްވިއްޔާ އަޅުގަނޑުމެންގެ ގައުމަކަށް އެފަދަ ނުރައްކާތެރި ވަބާއެއް މުސީބާތެއް މެދުވެރި ނުވާނެ،" ނިހާން ވިދާޅުވިއެވެ.
kaley kotaree ga bandukuranveenun