ޒުވާންކަމުގެ ހަކަތަ އެއްވެސް ނުރަނގަޅު ކަމަކަށް ބޭނުން ނުކުރުމަށް ދިވެހި ޒުވާނުންނަށް ރައީސް ޔާމީން ގޮވައިލައްވައިފިއެވެ.
ރައީސް މިހެން ވިދާޅުވީ ވެސްޓް ޕާކް ސަރަހައްދުގައި ބޭއްވި ހަފްލާގައި ވާހަކަފުޅު ދައްކަވަމުންނެވެ. އެމަނިކުފާނު ވިދާޅުވީ ކޮންމެ ކުއްޖަކީ މުހިންމު ކުއްޖެއްކަމަށެވެ. އެމަނިކުފާނު ވިދާޅުވީ ޒުވާނުންނަކީ މުޖުތަމައެއްގައި ދިރުންހުންނަ ގިންތި ކަމަށެވެ. އެހެންކަމުން ރާއްޖެ ދިފާއުކުރަން ޒުވާނުން ތެދުވާ ތެދުވުމަކީ އެހެން އެންމެނަށް އެއިން ވަރުގަދަ އިބްރަތަކާއި، ފިލާވަޅުތަކެއް ލިއްބައިދޭނެ ކަމެއް ކަމަށް ރައީސް ވިދާޅިވިއެވެ.
ރައީސް ވިދާޅުވީ އެއްވެސް ގޯނާއެއް ނުވަތަ އަނިޔާއެއް ނުލިބި ކޮންމެ އުމުރެއްގެ މީހަކަށްވެސް މަގުމަތީގައި އުޅުމުގެ މިނިވަންކަން އޮންނަންވާނެ ކަމަށެވެ. އެމަނިކުފާނު ވިދާޅުވީ ޒުވާނުން އަބަދުވެސް ބޭނުންވާންވާނީ ގައުމު ތަރައްގީކޮށް ކުރިއެރުވަން ކަމަށެވެ.
ރައީސުލްޖުމްހޫރިއްޔާގެ ވިދާޅުވީ ދިވެހި ދިދައިގެ ހިޔަލުގައި ހުންނަ ކޮންމެ މީހަކަށްވެސް ހަމަހަމަ ކަމާއެކު ހައްގުތައް ލިބިގެންދާނެ ކަމަށެވެ. އެއްވެސް މީހެއްގެ ގައިގައި ވަކިކުލައެއްގެ ލޭ ހުންނަން ނުޖެހޭނެ ކަމަށްވެސް ރައީސް ވިދާޅުވިއެވެ. އެހެންވީމާ ޒުވާނުންގެ ބަސް އަޑުއެހުމަކީ ސިޔާސީ ބޭފުޅުން ކުރައްވަންޖެހި ވަޑައިގަންނަވާ ކަމެއް ކަމަށްވެސް ރައީސް ވިދާޅުވިއެވެ.
ރައީސް ވިދާޅުވީ މިގައުމުގެ ކަންކަން ނިންމަން ބޭރު މީހުންގެ އެހީއަށް އެދޭކަށް ނުޖެހޭ ކަމަށެވެ. އިންޑިއާ ސިފައިން އަންނަން ބަޔަކު އެދުނަސް އެއީ އިންޑިއާއިން ކުރައްވާނެ ކަމަށް ނޫންކަމަށްވެސް ރައީސް ވިދާޅުވިއެވެ.
