އެމްޑީޕީގެ ރައީސް އަދި ކުރީގެ ރައީސް މުޙަންމަދު ނަޝީދަށާއި އެމްޑީޕީގެ ސްޕޯކްސްޕާސަން އަދި ރައްޔިތުންގެ މަޖިލީހުގެ މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީއަށް ޓްވިޓާ އެކައުންޓަކުން މަރުގެ އިންޒާރުދޭ މައްސަލަ ބަލައިދިނުމަށް އެދި ފުލުހުންނަށް ހުށަހަޅައިފިއެވެ.
އެމްޑީޕީން ބުނީ ނަޝީދަށާއި އިންތިއަށް މަރުގެ އިންޒާރު ދެމުންދާ ޓްވިޓާ އެކައުންޓަކީ @youthsinlk ނަމަކަށް ކިޔާ އެކައުންޓެއް ކަމަށެވެ. އެޕާޓީން ބުނީ އެ އެކައުންޓުން މަރުގެ އިންޒާރު ދެމުން އަންނަނީ ހަމައެކަނި ނަޝީދާއި އިންތިއަށް ނޫން ކަމަށާއި ބަޔެއް އެހެން މީހުންނަށްވެސް މަރުގެ އިންޒާރު ދެމުން އަންނަ ކަމަށެވެ.
އެމްޑީޕީން ބުނީ ފުލުހުންގެ ކިބައިން އެޕާޓީން އެދިފައިވާނީ އެ ޓްވިޓާ އެކައުންޓް ބޭނުންކުރަމުން އަންނަ ފަރާތެއް ހޯދައި، އެކަން ސީރިއަސް މައްސަލައެއްގެ ގޮތުގައި ބަލައިދިނުމަށް ކަމަށެވެ.
