އިންޑިޔާއިން ޚާއްސަ މަންދޫބަކާއެކު އިންޑިޔާގެ އަސްކަރިއްޔާގެ ޓީމެއް ރާއްޖެއަށް ފޮނުވައި ދިނުމަށް ކުރީގެ ރައީސް މުޙަންމަދު ނަޝީދު އިންޑިޔާގެ ކިބައިން މިއަދު އެދިވަޑައިގެންފިއެވެ.
ނަޝީދު ކުރެއްވި ޓްވީޓެއްގައި ވިދާޅުވެފައި ވަނީ ސަރުކާރުން ކުއްލި ނުރައްކަލުގެ ޙާލަތު އިއުލާން ކުރުމަށް ފަހު ރޭގެ ވަގުތެއްގައި ހައްޔަރު ކޮށްފައިވާ ކުރީގެ ރައީސް މައުމޫން އަބްދުލްގަތްޔޫމް އާއި ސުޕްރީމް ކޯޓުގެ ދެފަނޑިޔާރުން ކަމަށްވާ އުއްތަމަ ފަނޑިޔާރު އަބްދުﷲ ސައީދު އާއި ފަނޑިޔާރު އަލީ ޙަމީދު ސަލާމަތް ކޮށްދިނުމަށް އިންޑިޔާގެ އެހީ ބޭނުން ކަމަށެވެ.
އިންޑިޔާގެ އިތުރުން ނަޝީދު ވަނީ އެމެރިކާގެ އެހީއަށްވެސް އެދިފައެވެ. އެމެރިކާގެ ކިބައިން ނަޝީދު އެދިފައި ވަނީ ދިވެހި ސަރުކާރުގެ އިސްވެރިން އެމެރިކާގެ ބޭންކްތައް މެދުވެރިކޮށް ކުރައްވަމުން ގެންދަވާ ފައިސާގެ މުއާމަލާތްތައް ހުއްޓުވައި ދިނުމަށެވެ.
