މިއަހަރު ބޭއްވި އޯލެވެލް އިމްތިޙާނުގައި ބައިވެރިވި ލޯފަން ކުއްޖެއް ކަމަށްވާ ޅ. ހިންނަވަރު، މަރިޔަމް އާމާލް އަބްދުﷲ ހުރިހާ މާއްދާއަކުން ފާސް ވެއްޖެއެވެ.
ހިންނަވަރުގައި ހުންނަ އެ އަތޮޅު ތައުލީމީ މަރުކަޒުގައި މިދިޔަ އަހަރު ތައުލީމް ހާސިލްކުރި އާމާލް އޯލެވެލްގައި ބައިވެރިވީ ހަތަރު މާއްދާއަކުންނެވެ. އެއީ ދިވެހި އިސްލާމްގެ އިތުރުން އެކައުންޓްސް އާއި ހިސާބެވެ. މިއިން ކޮންމެ މާއްދާއަކުން އާމާލް ވަނީ "ސީ" ހޯދާފައެވެ.
އޯލެވެލްގައި ބައިވެރިވެ އާމާލް މިހޯދި ކާމިޔާބީ އެޑިޔުކޭޝަން މިނިސްޓަރ ޑރ އައިޝަތު ޝިހާމްވެސް ވަނީ ފާހަގަ ކުރައްވާފައެވެ. އަދި އާމާލްއަށް މިނިސްޓަރު ވަނީ މަރުހަބާ ދަންނަވާފައެވެ.
