ފ. ފީއަލީގައި ދުއްވާ މަސްދޯންޏެއް ކަމަށްވާ "މަސްރޯދި" ނަމަކަށް ކިޔާ ދޯންޏެއް މަހަށް ފުރިތާ 6 ދުވަސް ވީއިރުވެސް ޚަބަރެއް ނުވެގެން ހޯދަން ފަށައިފިއެވެ.
މައުލޫމާތު ލިބިފައިވާ ގޮތުގައި "މަސްރޯދި" ދޯނި މަހަށް ފުރާފައި ވަނީ މިމަހުގެ 21 ވީ އަންގާރަ ދުވަހުއެވެ. މިއަދަށް 6 ދުވަސް ވީއިރުވެސް ދޯނީގެ ވެރިފަރާތަށް ވަނީ އެ ދޯނީގެ އެއްވެސް ޚަބަރެއް ނުވެފައެވެ.
ގެއްލިގެން ހޯދަމުން އަންނަ ދޯނީގެ ބޭރުގައި ނޫކުލަ ލާފައިވާއިރު މަތީ ގެގަނޑުގައި ވަނީ މަޑު ފެހިކުލަ އާއި ރަތް ކުލައިގެ ފަށެއް ދަމާފައެވެ. ފޮޓޯގައި އެވަނީ ގެއްލިގެން ހޯދަމުން 
އަންނަ "މަސްރޯދި" ދޯނީގެ ފޮޓޯއެކެވެ.
ގެއްލުނު ދޯންޏާ ގުޅުން ހުރި ފަރާތަކުން ސޯޝަލް މީޑިޔާގައި ބުނެފައި ވަނީ އެ ދޯނީގެ ޚަބަރެއް ވެއްޖެނަމަ 7520909 ނުވަތަ 7905496. ފޯނު ނަންބަރަށް ގުޅުމަށެވެ.
