ސްޓޭޓް ޓްރޭޑިން އޮގަނައިޒޭޝަން (އެސްޓީއޯ) އިން ވިއްކަމުން އައި ޑީސަލާއި ޕެޓްރޯލުގެ އަގު މިއަދު ބޮޑު ކޮށްފިއެވެ.
އެސްޓީއޯއިން ބުނި ގޮތުގައި އެކުންފުނިން ވިއްކަމުން އައި ޑީސަލާއި ޕެޓްރޯލުގެ އަގު މިއަދުން ފެށިގެން ވިއްކާނީ ކުރިން ވިއްކި އަގަށްވުރެ ޕެޓްރޯލު ލީޓަރަކުން 35 ލާރި އަދި ޑީސަލް ލީޓަރަކުން 44 ލާރި ބޮޑުކޮށެވެ. އެހެންވެ މިއަދުން ފެށިގެން ޕެޓްރޯލް ލީޓަރެއް އެސްޓީއޯއިން ވިއްކާނީ 9.61 ރ އަށެވެ. ޑީސަލް ލީޓަރެއް ވިއްކާނީ 9.87 ރ އަށެވެ.
އެންމެ ފަހުން އެކުންފުނިން ޑީސަލް ލިޓަރެއް ވިއްކި އަގަކީ 9.17 ރ އެވެ. އަދި ޕެޓްރޯލް ލިޓަރެއް ވިއްކީ 9.52 ރ އަށެވެ. އެސްޓީއޯއިން އަގު ބޮޑުކުރަމުން ބުނީ މިބަދަލު ގެނައީ ދުނިޔޭގެ ބާޒާރުގައިވެސް މި ދެބާވަތުގެ އަގު ބޮޑު ވުމުން ކަމަށެވެ. އެސްޓީއޯއަކީ ރާއްޖޭގައި ތެލުގެ ވިޔަފާރި ކުރަމުން އަންނަ ކުންފުންޏެވެ.
