އައްޑޫ ސިޓީ ހިތަދޫގައި ހުންނަ ސްޓޭޓް ބޭންކް އޮފް އިންޑިޔާގެ ސެކިއުރިޓީ ބަލަހައްޓަން ހުރި މީހެއްގެ ގަޔަށް ވަޅި ޖަހައިފިއެވެ.
ބޭންކްގެ ސެކިއުރިޓީ ބަލަހައްޓަން ހުރި ބަންގްލަދޭޝްގެ މީހާގެ ގަޔަށް ވަޅި ހަރާފައި ވަނީ ރޭ ފަތިހުގެ ވަގުތެއްގައި ކަމަށް މައުލޫމާތު ލިބިފައިވެއެވެ. ވަޅި ޖަހާފައި ވަނީ ބަންގްލަދޭޝް މީހާގެ ކޮނޑަށެވެ. ތިން އިންޗި ފުންމިނަށް ވަޅި ޖަހާފައި ހުރުމުން އެމީހާ ހިތަދޫ ހޮސްޕިޓަލުގައި ފަރުވާ ދިނުމަށް ފަހު މިހާރު ވަނީ ދޫކޮށްލާފައެވެ.
ބިދޭސީ ސެކިއުރިޓީއަށް ހަމަލާ ދިން ބަޔެއް ހޯދިފައެއް ނުވެއެވެ. ފުލުހުން ބުނީ އެ މައްސަލަ ބަލަމުން އަންނަ ކަމަށާއި އެކަމާއި ގުޅިގެން މީހާކު ހައްޔަރު ކޮށްފައި ނުވާކަމަށެވެ.
