ޕީޕީއެމްގެ ކައުންސިލުން ހުސްވެފައިވާ ތިން ޖާގައަށް ރައްޔިތުންގެ މަޖިލީހުގެ ތިން މެމްބަރަކު މިއަދު އިންތިޚާބު ކޮށްފިއެވެ.
މިއަދު ޕީޕީއެމްގެ އޮފީހުގައި އޮތް ކައުންސިލް ބައްދަލު ވުމުގައި ކައުންސިލަށް ހޮވީ ގައްދޫ ދާއިރާގެ މެމްބަރު އަޙްމަދު ރަޝީދު (ގައްދޫ ރަޝީދު) އާއި ގެމަނަފުށީ ދާއިރާގެ މެމްބަރު ޖަމީލް އުސްމާންގެ އިތުރުން މިލަންދޫ ދާއިރާގެ މެމްބަރު ޙަސަން މުފީދެވެ. މި ތިން މެމްބަރުން ކައުންސިލަށް އިންތިޚާބު ކުރީ އެޕާޓީގެ ކައުންސިލް ތިން މެމްބަރަކު ކުރިން ވަކިކޮށްފައި ވާތީއެވެ. ޕީޕީއެމުން ބުނީ މިހާރު ކައުންސިލްގެ އަދަދު ވަނީ ހަމަވެފައި ކަމަށެވެ.
ޕީޕީއެމްގެ އަސާސީ ގަވައިދުގައިވާ ގޮތުން ޕާޓީގެ ކައުންސިލްގައި ޕާލިމެންޓްރީ ގްރޫޕްގެ 10 މެމްބަރުން ތިއްބަވަން ޖެހެއެވެ. ކައުންސިލުން މެމްބަރުން މަދުވީ ބަޔެއް މެމްބަރުން ޕާޓީން ވަކިވެ، އަދި ބަޔެއް މެމްބަރުން ޕާޓީން ވަކިކުރުމާއި ގުޅިގެންނެވެ.
