އެމެރިކާގައި ފާއިތުވި ނޮވެންބަރު މަހު 3 ވަނަ ދުވަހު ބޭއްވި ރިޔާސީ އިންތިޚާބުގައި ރައީސު ޓްރަމްޕްގެ ކޮޅަށް އަނބުރާލަން އޭނާއަށް ތާއީދުކުރާ ފަރާތްތަކުން ކުރި އެންެމެ ފަހުގެ ގާނޫނީ މަސަައްކަތް ނާކާމިޔާބުވުވެއްެޖެއެެވެ. އެމެެރިކާގެ ސުޕްރީމް ކޯޓުން ވަނީ 2016 ވަނަ އަހަރު ރައީސު ޓްރަމްޕް ކާމިޔާބުކުރައްވާފައި ވަނިކޮށް، މިފަހަރު ޖޯ ބައިޑަންެގެ ކޮޅަށް އެނބުރުނު 4 ސްޓޭޓެއްގެ ނަތީޖާ ބާޠިލުކުރުން ޓެކްސާސްއިން ހުށަހެޅި މައްސަލަ ބޭރުކޮށްލާފައެވެ.
މި މައްސަލަ ހުށަހެޅުއްވި ޓެކްސާސްގެ އެޓާނީ ޖެނެރަލްއަށް އިތުރު 18 ސްޓޭޓަކުން ތާއީދުކޮށްފައި ވެއެވެ. އަދި ހައުސް އޮފް ރެޕްރެޒެނޓެޓިވްސް ގައި ރިޕަބްލިކަން ޕާޓީ ތަމްސީލުކުރައްވާ 126 މެންބަރަކުވެސް ޕެންސިލްވޭނިޔާ، ޖޯޖިޔާ، މިޝަގަން އަދި ވިސްކޮންސިންއާ ދެކޮޅަށް ޓެކްސާސްއިން ހުށަހެޅި މައްސަލައަށް ތާއީދުކުރެއްވިއެވެ.
ސުޕްރީމް ކޯޓު ނެރުނު އަމުރުގައި ބުނެފައި ވަނީ އެހެން ސްޓޭޓުތަކުގެ އިންތިޚާބުތަކުގެ ތެެރެއަށް ވަނުމުގެ ހައްގު ޓެކްސަސްއަށް ލިބިދޭ ގޮތެއް ޓެކްސާސްއަށް ސާފުކޮށްދެވިފައި ނުވާ ކަމުގައެވެ. 9 ފަނޑިޔާރުންގެ ތެރެއިން އެއްވެސް ބޭފުޅަކު މިއަމުރާ ދެކޮޅު ރައުޔެއް ހާމަކުރައްވާފައި ނުވެއެވެ. ސުޕްރީމްކޯޓުގެ 9 ފަނޑިޔުންގެ ތެރެއިން 6 ފަނޑިޔާރުންނަކީ ރައީސު ޓްރަމްޕްގެ ރިޕަބްލިކަން ޕާޓީގެ ކޮންޒާވެޓިވް އުސޫލަަތަކަށް ބުރަވެވަޑައިގަންނަވާ ބޭފުޅުންެނެެެެވެ. އަދި އޭގެތެރޭން 3 ބޭފުޅުންނަކީ ރައީސު ޓްރަމްޕް އައްޔަން ކުރެއްވި ބޭފުޅުންނެެވެ. އެހެންނަމަވެސް، އެބޭފުޅުންވެސް ވަނީ ގާނޫނީ ބުރަދަނެއް ނެތް މައްސަލައެއްގައި ރައީސު ޓްރަމްޕްގެ ކޮޅަށް ބުރަވެވެން ނެތްކަން ދައްކަވާފައެވެ.
ސުުޕްރީމް ކޯޓުގެ މި ނިންމުމާއެކު ރައީސު ޓްރަމްޕެ ކޮޅަށް ނަތީޖާ އަނބުރާލަން ކުރެވުނު މަސައްކަތްތަކުގެ ކުރިމަތީގައި ފަހު ދޮރުވެސް ބަންދުވީއެވެ. މާދަމާ، 14 ޑިސެންބަރުގައި ރިޔާސީ އިންތިޚާބު ކާމިޔާބުކުރި ފަރާތެއް އިލެކްޓޯރަލް ކޮލެޖުން ރަސްމީކޮށް ނިންމާނެއެވެ. 306-232 ވޯޓުން ޖޯ ބައިޑަން ކުރީގައި އުޅުއްވާތީ އިލެކްޓޯރަލް ކޮލެޖުން ހޮވާނީ އޭނާއެވެ.
ރައީސު ޓްރަމްޕް ވަނީ އެންމެ ފަހު ވަގުތުވެސް ސުޕްރީމްކޯޓަށް ނުފޫޒުފޯރުއްވޭތޯ މަސައްކަތްޕުޅުކުރައްވާފައެވެ.
"މިހާރު ކުރިއަތް އޮތް އަހަރުތަކުގައި އޮޅުން ބޮޅުންތަކުން ފުރިފައިވާ ސަރުކާރަށް ބައިޑަންގެ ސަރުކާރު ވާން އޮތްއިިރު، އެމެރިކާގެ ސުޕްރީމް ކޯޓުން ގާނޫނު އަސާސީއާ އެެއްގޮތަށް ކުރިއަށް ގޮސް، އެންމެވެންނަށްވެސް (އެކޯޓުން) ކުރަންޖެހޭކަން އެނގޭ ކަންތައް އެކޯޓުން ކުރުމަކީ މާ ފަސޭހަ ކަމެކެވެ. އެބޭފުޅުން (ފަނޑިޔާރުން) ޖެހެނީ ހިތްވަރާއި، ވިސްނުންތެރިިކަން ދައްކަވަން. އެމެރިކާ ސަލާމަތްކުރައްވާ." ކޯޓުގެ އަމުރުގެ ކުރިން ރައީސު ޓްރަމްޕް ކުރެއްވި ޓުވީޓެއްގައި ވެއެވެ.
