ހުޅުމާލޭގައި ހުންނަ ދަމާސްގެ ސައިޓަކުން މަރުވެފައި އޮތް ބިދޭސީއަކު ފެނިއްޖެއެވެ.
ފުލުހުން މައުލޫމާތު ދިންގޮތުގައި މަރުވެފައި އޮއްވާ ފެނުނީ ބަންގްލަދޭޝްގެ ރައްޔިތެކެވެ. އަދި ހުޅުމާލޭ ހޮސްޕިޓަލަށް އޭނާ ގެންދިޔައިރުވެސް މަރުވެފައިވާ ކަމަށާއި މަރުވެފައި އޮއްވާ ފެނުނުއިރު އޭނާގެ ބޮލަށް ބޮޑެތި ޒަޚަމްތަކެއް ލިބިފައި ހުރިކަން ފުލުހުން ވަނީ ކަށަވަރު ކޮށްދީފައެވެ.
ނަމަވެސް ބަންގްލަދޭޝްގެ މީހާ މަރުވި ހާދިސާއަކީ ކިހިނެއް ހިނގައިދިޔަ ކަމެއް ކަމެއް އަދި ސާފެއް ނުވެއެވެ. އެނގިފައިވާ ގޮތުގައި ދަމާސްގެ ސައިޓުން އޭނާ ފެނިގެން ހުޅުމާލޭ ހޮސްޕިޓަލަށް ގެންދިޔައީ މިއަދު ހެނދުނު 9 ޖަހާކަންހާއިރުއެވެ.
