ރައީސުލްޖުމްހޫރިއްޔާ އަބްދުﷲ ޔާމީން ހުވަދު އަތޮޅު އުތުރުބުރީގެ ތިން ރަށަކަށް ކުރައްވާ ރަސްމީ ދަތުރުފުޅެއްގައި މިއަދުގެ ވަގުތެއްގައި މާލެއިން ފުރާވަޑައިގެންފިއެވެ.
ރައީސް އޮފީހުން ބުނީ ރައީސްގެ މިދަތުރުފުޅުގައި އެ އަތޮޅުން ފުރަތަމަ ވަޑައިގަންނަވާނީ ކޫއްޑޫއަށެވެ. މިދަތުރުފުޅުގައި ކޫއްޑޫ އެއާރޕޯޓާއި މާރކިއޯ ކޫއްޑޫ ހޮޓެލް ރަސްމީކޮށް ރައީސް އިފްތިތާހު ކޮށްދެއްވާނެއެވެ. ކޫއްޑޫގައި އޮންނަ ރަސްމިއްޔާތަށް ފަހު ދެން ރައީސް ވަޑައިގަންނަވާނީ އެއަތޮޅު ކޮލަމާފުއްޓަށެވެ.
ރައީސް އޮފީހުން މައުލޫމާތު ދެއްވި ގޮތުގައި ކޮލަމާފުއްޓަށް ވަޑައިގެން އެރަށުގެ ރައްޔިތުންނާ ރައީސް ބައްދަލު ކުރައްވާނެއެވެ. ކޮލަމާފުށިން ދެން ރައީސް ވަޑައިގަންނަވާނީ ވިލިނގިއްޔަށެވެ. އެރަށުގައި އިމާރާތް ކޮށްފައިވާ އާ މިސްކިތްވެސް މިދަތުރުފުޅުގައި ރައީސް ހުޅުވާދެއްވާނެއެވެ. އަދި އެރަށުގެ ރައްޔިތުންނާވެސް ރައީސް ބައްދަލު ކުރައްވާނެއެވެ.
